მიხეილ შავიშვილი

დაბადების ადგილი: ქ. ოზურგეთი.

სწავლობდა პეტერბურგის უნივერსიტეტის ფიზიკა-მათემატიკის ფაკულტეტზე; დაამთავრა თბილისის საინჟინრო სამშენებლო ინსტიტუტი არქიტექტურის სპეციალობით 1931 წელს.

1931 წელს ახალგაზრდა, ნიჭიერი ხელოვანი მიიწვიეს საქართველოს პოლიტექნიკურ ინსტიტუტში, სადაც კითხულობდა სპეცკურსებს, ხოლო 1951-1955წწ. განაგებდა არქიტექტურის კათედრას; 1932 წლიდან მუშაობას იწყებს საპროექტო დაწესებულებებში, სიცოცხლის უკანასკნელ დღემდე განაგებდა არქიტექტურულ სახელოსნოებს; იგი 80-მდე პროექტის ავტორია, მათ შორის აღსანიშნავია: სპეციალისტთა საცხოვრებელი სახლები საბურთალოზე, ავტოქარხნის მუშათა საცხოვრებელი რაიონი ქუთაისში, შამპანკომბინატის ნაგებობათა კომპლექსი თბილისში, ადმინისტრაციული სახლი ცხინვალში, თბილისის სახელმწიფო უნივერსიტეტის მეორე კორპუსი, სამედიცინო ინსტიტუტის და საქართველოს პოლიტექნიკური ინსტიტუტის მეორე კორპუსი, სამეცნიერო-კვლევითი ინსტიტუტი გორში, ლ. მესხიშვილის სახელობის დრამატული თეატრი ქუთაისში და სხვა მრავალი; მისმა არაერთმა პროექტმა გაიმარჯვა საკავშირო თუ რესპუბლიკურ კონკურსებში; აღსანიშნავია მისი ღვაწლი ეთნოგრაფიულ და არქეულოგიური ექსპედიციების საქმიანობაში - მან აზომა არაერთი ხუროთმოძღვრული ძეგლი; იგი იყო საქართველოს არქტიტექტორთა კავშირის ჩამოყალიბების ერთ-ერთი ორგანიზატორი; დაჯილდოვებული იყო მედლებით.

წყარო: მამულიშვილთა სავანე. - თბ., 1994. - გვ.364; საქართველოს არქიტექტორთა და მშენებელთა ენციკლოპედია. - თბ., 2017.-გვ.602

• სსრ კავშირის მშენებლობისა და არქიტექტურის აკადემია, წევრ-კორესპოდენტი
• საქართველოს არქტიტექტორთა კავშირი, თავმჯომარე (1945-1947)

• შრომის წითელი დროშის ორდენი
• საქართველოს ხელოვნების დამსახურებული მოღვაწე