ნევრესტან შაშიკაშვილი

დაბადების ადგილი: სოფელი ქედქედი, ხელვაჩაურის რაიონი.

დაამთავრა თბილისის სახელმწიფო უნივერსიტეტის სამედიცინო ფაკულტეტი.

1931-1938წწ. მუშაობდა ბათუმის ქალაქის მთავარი საავადმყოფოს გინეკოლოგიური განყოფილების ორდინატორად; 1938 წელს გადაიყვანეს აჭარის ავტონომიური რესპუბლიკის ჯანმრთელობის კომისარიატში, ჯერ მინისტრის პირველ მოადგილედ, შემდეგ დააწინაურეს მინისტრად; 1978 წლიდან იგი თბილისშია, ჯანმრთელობის დაცვის სამინისტროს განყოფილების უფროსად; ამავე დროს იგი სამედიცინო ინსტიტუტის ჯანმრთელობის დაცვის ორგანიზაციის კათედრის ასისტენტია; შემდეგ აირჩიეს ექიმთა დახელოვნების ინსტიტუტის ჯანმრთელობის დაცვის ორგანიზაციის კათედრის დოცენტად, ხოლო მოგვიანებით პროფესორად და ამავე კათედრის გამგედ, სადაც სიცოცხლის ბოლომდე იღწვოდა; შეთავსებით მუშაობდა ჯანდაცვის სამინისტროს სამედიცინო მეცნიერებისა და სასწავლო დაწესებულებათა მთავარი სამმართველოს უფროსად; ღრმად შეისწავლა და მეცნიერულად დაამუშავა საქართველოში ჯანდაცვის ორგანიზაციის საქმე და სამედიცინო მომსახურების ძირითადი ფორმები XIX საუკუნეში; არის 70-ზე მეტი სამეცნიერო ნაშრომის, მათ შორის შვიდი მონოგრაფიის ავტორი; მისი ხელმძღვანელობით დამუშავებული და დაცულია რამდენიმე სადოქტორო და საკანდიდატო დისერტაცია; დაჯილდოებული იყო მედლებით; ჯანმრთელობის დაცვის ორგანიზატორი, პროფესორი.

წყარო: მამულიშვილთა სავანე. - თბ., 1994. - გვ.368; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.279

• 1967 - საქართველოს მეცნიერებათა დამსახურებული მოღვაწე
• საპატიო ნიშნის ორდენი
• წითელი ვარსკვლავის ორდენი
• შრომის წითელი დროშის ორდენი

• საბჭოთა ჯანდაცვის სიამაყე : დედათა და ბავშვთა ჯანდაცვის შექმნა და განვითარება საქართველოში (ავტორი). - თბილისი, საბჭ. საქართველო, 1962. - 207გვ.
• სახალხო ჯანმრთელობის დაცვის ორგანიზაცია საბჭოთა საქართველოში (1921-1932) (ავტორი). - თბილისი, საბჭ. საქართველო, 1959. - 542გვ.
• ნარკვევები სამედიცინო საქმის განვითარების შესახებ აჭარაში (თანაავტორი). - თბილისი, საბჭ. საქართველო, 1958. - 189გვ.
• საქართველოს მოსახლეობის სამედიცინო მომსახურების ძირითადი ფორმები XIX საუკუნეში (ავტორი). - თბილისი, საქმედგამი, 1957. - 89გვ.