მიხეილ ჩაჩავა

დაბადების ადგილი: ქ. ლანჩხუთი.

დაამთავრა თბილისის სახელმწიფო უნივერსიტეტის სამკურნალო ფაკულტეტი 1928 წელს.

1944-1950წწ. იყო თბილისის სამედიცინო ინსტიტუტის სამკურნალო ფაკულტეტის ჰოსპიტალური ქირურგიის კათედრის პროფესორი; 1950-1968წწ. განაგებდა პედიატრიული და სანიტარული ჰიგიენის ფაკულტეტების ჰოსპიტალური ქირურგიის, 1968-1974წწ. კი სამკურნალო ფაკულტეტის ზოგადი ქირურგიის კათედრას; 1974 წლიდან გარდაცვალებამდე იყო ამავე კათედრის მეცნიერ-კონსულტანტი; ფართო დიაპაზონის მეცნიერი ხშირად მონაწილეობდა ქირურგთა საერთაშორისო კონგრესებზე; 1960 წელს ხანგრძლივი ვადით მიიწვიეს ინგლისში; იგი 150-ზე მეტი სამეცნიერო ნაშრომის ავტორია, მათ შორის რვა მონოგრაფიისა და ოთხი სახელმძღვანელოსი; მას დიდი როლი მიუძღვის წყლულოვან დაავადებათა ქირურგიული მკურნალობის საქმეში; იგი აგრეთვე საყლაპავი მილის, გულმკერდის ღრუს ორგანოებისა და ძვალ-სახსარის ტუბერკულიოზის, პროქტოლოგიურ დაავადებათა ქირურგიული მკურნალობის ახალი მეთოდების დანერგვის ინიციატორია საქართველოში; თავისი 55 წლის მანძილზე გაკეთებული ჰქონდა 20 ათასზე მეტი ოპერაცია მარტო გულმკერდისა და მუცლის ღრუს ორგანოებზე, მან საქართველოში პირველად შეასრულა გულის მანკის ოპერაციები; 1985 წელს მშობლიური ლანჩხუთის რაიონულ საავადმყოფოს მიენიჭა მისი სახელი; დაჯილდოვებული იყო მედლებით; ქირურგი, მედიცინის მეცნიერებათა კანდიდატი (1936), მედიცინის მეცნიერებათა დოქტორი (1937), პროფესორი.

წყარო: მამულიშვილთა სავანე. - თბ., 1994. - გვ.376; კარგ ქართველთა საფლავები: geonecropol.ge

• საქართველოს მეცნიერებათა დამსახურებული მოღვაწე
• საპატიო ნიშნის ორდენი
• შრომის წითელი დროშის ორდენი

• მუხლის სახსრის ტუბერკულოზი (ავტორი). - თბილისი, საქმედგამი, 1952. - 99გვ.
• წყლულოვანი დაავადების ქირურგიული მკურნალობა (ავტორი). - თბილისი, საქ. მეცნ. აკად. გამ-ბა და სტ., 1951. - 296გვ.
• ძვლოვანი ქსოვილების აღორძინება და ძვლის დეფექტთა დაპლომბვა (plombirung) : სადისერტაციო შრომა (ავტორი). - ტფილისი, სახელგამი, 1935. - 119გვ.