არჩილ ჩხარტიშვილი

დაბადების ადგილი: ქ. თბილისი.

იყო რუსთაველის თეატრში ჯერ სცენის მუშა, ასრულებდა ეპიზოდურ როლებს, მონაწილეობდა მასობრივ სცენებში, შემდეგ გახდა რეჟისორის თანაშემწე; 1930 წელს გადავიდა ქუთაისის თეატრში და დადგა თავისი პირველი სპექტაკლი ჰაშეკის - "ყოჩაღი ჯარისკაცი შვეიკი"; ამის შემდეგ სათავეში ჩაუდგა ჯერ ბათუმის, შემდეგ მარჯანიშვილისა და რუსთაველის თეატრებს; 1934 წელს მიავლინეს ჩეჩნეთ-ინგუშეთში, სადაც ჩამოაყალიბა დრამატული დასი და საფუძველი ჩაუყარა პირველ ეროვნულ სახელმწიფო თეატრს; გამოჩენილ რეჟისორს დიდი ღვაწლი მიუძღვის აგრეთვე დაღესტნელებისა და სხვა ჩრდილოკავკასიელთა თეატრალური ხელოვნების განვითარებაში; სიცოცხლის ბოლო 10 წელი იყო საქართველოს ფილარმონიის სამხატვრო ხელმძღვანელი; აქ მან მაღალი გემოვნებით დადგა მრავალი თეატრალიზებული წარმოდგენა; სპექტაკლები, რომლებიც დადგა სხვადასხვა თეატრის სცენებზე — ვაჟა-ფშაველას - "მოკვეთილი", სოფოკლეს - "ოიდიპოს მეფე", მ. მრევლიშვილის - "ხარატაანთ კერა", ი. მოსაშვილის - "მისი ვარსკვლავი", ევრიპიდეს - "მედეა", მ. ელიოზიშვილის  - "ბებერი მეზურნეები" და სხვა მრავალი.

წყარო: მამულიშვილთა სავანე. - თბ., 1994. - გვ.385

• 1968 - სსრკ სახალხო არტისტი
• ოქტომბრის რევოლუციის ორდენი
• საპატიო ნიშნის ორდენი
• შრომის წითელი დროშის ორდენი