ფატმა მუხთაროვა

დაბადების ადგილი: ქ. ურმია, ირანი.

დაამთავრა ქ. სარატოვის კონსერვატორია 1914 წელს(ვოკალური).

1914 წელს შედგა მისი დებიუტი მოსკოვის ზიმინის სახელობის საოპერო სცენაზე, სადაც მოღვაწეობდა 1917 წლამდე; 1921-1937წწ. გამოდიოდა ყაზანის, ლენინგრადის, კიევის, ხარკოვის, ოდესის და თბილისის საოპერო სცენებზე; 1922-1923წწ., 1933-1934წწ., 1935-1950წწ. იყო თბილისის ოპერისა და ბალეტის თეატრის წამყვანი სოლისტი; პარალელურად 1938-1953წწ. ქ. ბაქოს ოპერის თეატრის წამყვანი სოლისტი; რეპერტუარი თბილისის ოპერის სცენაზე: კარმენი(ბიზე "კარმენი"), ამნერისი, აზუჩენა(ვერდი "აიდა', "ტრუბადური"), დალილა(სენ-სანსი "სამსონი და დალილა"), ორტრუდა(ვაგნერი "ლოენგრინი"), სოლოხა(ჩაიკოვსკი "ქოშები"), მარფა, ლიუბაშა(რიმსკი-კორსაკოვი "მეფის საცოლე"), ელენე(ოფენბახი "მშვენიერი ელენე"), აზრა(ბადალბეილი "ნიზამი" პირველი შესრულება); აზერბაიჯანელი საოპერო მომღერალი, მეცო-სოპრანო.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 350

• 1940 - აზერბაიჯანის სახალხო არტისტი
• 1940 - საქართველოს სახალხო არტისტი
• 1936 - საქართველოს დამსახურებული არტისტი