მიხეილ მჭედლოვი

დაბადების ადგილი: ქ. ბათუმი.

დაამთავრა მოსკოვის სახელმწიფო კონსერვატორია 1934 წელს(არფა).

1938 წლიდან იყო მოსკოვის ფილარმონიისა და სსრკ სახელმწიფო სიმფონიური ორკესტრის არფისტი; 1941 წლიდან საქართველოს სიმფონიური ორკესტრის სოლისტი; 1941 წლიდან იყო ვ. სარაჯიშვილის სახელობის თბილისის სახელმწიფო კონსერვატორიის პედაგოგი(არფა); 1943-1948წწ. უკრავდა საკავშირო რადიოს ორკესტრში, ვახტანგოვის სახელობის თეატრის ორკესტრში; მოსკოვის მუსიკალური სასწავლებლისა და კონსერვატორიის პედაგოგი, 1943 წლიდან დოცენტი, 1946 წლიდან დირექტორის მოადგილე სასწავლო დარგში, 1956-1973წწ. სიმებიანი განყოფილების დეკანი; მოსკოვის გნესინების სახელობის პედაგოგიური ინსტიტუტის(1952-1960), მოსკოვის კონსერვატორიის(1940-1941, 1957-1959) პედაგოგი; არფისათვის მრავალი ნაწარმოების ავტორი, რედაქტორი; მნიშვნელოვანი წვლილი მიუძღვის არფის დაკვრის პედაგოგიკისა და მეთოდიკის საკითხებში; რუსეთში მოღვაწე ქართველი არფისტი, მეთოდისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 354