ვარლამ ესაიაშვილი

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტი 1933 წელს.

1941-1945 წლებში იყო ქართული საფრონტო გაზეთის "წინ, სამშობლოსათვის" რედაქტორი. 1954-1960 წლებში იყო საქართველოს კომუნისტური პარტიის ცენტრალურ კომიტეტთან არსებული პარტიის ისტორიის  ინსტიტუტის დირექტორი. 1961 წლიდან იყო თბილისის ა. ს. პუშკინის სახელობის პედაგოგიური ინსტიტუტის სკკპ ისტორიის, შემდეგ მეცნიერული კომუნიზმის კათედრის გამგე. ვარლამ ესაიაშვილის მეცნიერული კვლევის მთავარი თემა იყო  ვ. ი. ლენინი და საქართველო. მიღებული აქვს  სახელმწიფო ჯილდოები. დაიმსახურა "სამამულო ომის II ხარისხის", "წითელი ვარსკვლავის" ორდენები და მრავალი მედალი, მათ შორის: "საბრძოლო დამსახურებისათეის", "კავკასიის დაცვისათვის" და "გერმანიაზე გამარჯვებისათვის". ისტორიის მეცნიერებათა დოქტორი (1959). პროფესორი (1961).  

წყარო: საქართველო: ენციკლოპედია: ტ.III.–თბ., 2014.–გვ.96;  ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 39

• 1967 - საქართველოს მეცნიერებათა დამსახურებული მოღვაწე

• ვ.ი. ლენინთან ქართველი კომუნისტების პირადი შეხვედრებისა და მიმოწერის შესახებ. - თბილისი, საბჭ.საქართველო, 1973. - 135გვ.
• ვ.ი. ლენინთან ქართველი კომუნისტების პირადი შეხვედრებისა და მიმოწერის შესახებ (ავტორი). - თბილისი, საქ. სსრ საზ-ბა "ცოდნა", 1969. - 32გვ.
• ვ.ი. ლენინი საქართველოს შესახებ (ავტორი). - თბილისი, სახელგამი, 1956. - 196გვ.
• ვ.ი. ლენინი 1905-1907 წლების რევოლუციის შესახებ საქართველოში : თბილისში წაკითხული საჯარო ლექციის სტენოგრამა (ავტორი). - თბილისი, 1956. - 30გვ.