ჯემალ ესაიაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამოქალაქო და სამრეწველო მშენებლობის სპეციალობით 1960 წელს.

1960-1963 წლებში მუშაობდა "მთავართბილმშენის" მე-4 სამშენებლო სამმართველოში. 1963 წლიდან მუშაობდა კ. ზავრიევის სახელობის სამშენებლო მექანიკისა და სეისმომედეგობის ინსტიტუტში. ეწეოდა პედაგოგიურ საქმიანობას საქართველოს ტექნიკურ უნივერსიტეტში სამშენებლო კონსტრუქციების კათედრაზე. 2003 წლიდან არის საქართველოსა და დსთ-ს ქვეყნების ექსპერტი სეისმომედეგობის საკითხებში. ჯემალ ესაიაშვილის სამეცნიერო კვლევები ეძღვნება რკინა-ბეტონის კონსტრუქციების სეისმომედეგობის საკითხებს. ტექნიკის მეცნიერებათა დოქტორი (1997), პროფესორი (1998), ინჟინერ-მშენებელი.

წყარო: საქართველო: ენციკლოპედია: ტ.III.–თბ., 2014.–გვ.96

• საქართველოს საინჟინრო აკადემია, წევრ–კორესპონდენტი (2005-)

• 2006 - საქართველოს დამსახურებული ინჟინერი