გულნარა ჯაფარიძე

დაბადების ადგილი: ქ. ყვარელი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1941 წელს.

1946 წლიდან საქართველოს ხელოვნების მუზეუმის მეცნიერ თანამშრომელია, შემდეგ სწავლული მდივანი და განყოფილების გამგე; დიდი წვლილი შეიტანა მუზეუმის ფონდების შესწავლისა და ექსპოზიციების მოწყობაში. 1958-1960წწ. ხელმძღვანელობდა საქართველოს კულტურის სამინისტროს სახვითი ხელოვნების განყოფილებას; ახალი და უახლესი სახვითი ხელოვნების თვალსაჩინო მკვლევარი სისტემატურად აწყობდა ქართველი მხატვრების ნამუშევართა გამოფენას ჩვენშიც და უცხოეთშიც; მის კალამს ეკუთვნის არა ერთი საინტერესო მონოგრაფია და 150-მდე სტატია; განსაკუთრებით აღსანიშნავია მისი ნაშრომები თანამედროვე ლითონმქანდაკებლობაზე; საგულისხმოა, რომ თვით ეს ტერმინიც ქართულ ლექსიკაში მანვე შემოიტანა და დაამკვიდრა; საინტერესო გამოკვლევები მიუძღვნა სოსო გაბაშვილს, თამარ აბაკელიასა და კორნელი სანაძის ცხოვრებასა და შემოქმედებას.

წყარო: მამულიშვილთა სავანე. - თბ., 1994. - გვ.426

• მხატვართა კავშირის კრიტიკოსთა სექცია, მდივანი, თავმჯდომარე

• საქართველოს ხელოვნების დამსახურებული მოღვაწე

• ქართული თანამედროვე ლითონმქანდაკებლობა (ავტორი). - თბილისი, ხელოვნება, 1971. - 67გვ.
• შალვა ძნელაძე : კატალოგი (თანაავტორი). - თბილისი, მერანი, 1970. - 6გვ.
• შეხვედრა ქართველ მხატვრებთან : სამშობლოსა და უცხოეთში (ავტორი). - თბილისი, ლიტერატურა და ხელოვნება, 1966. - 136გვ.