გივი თუმანიშვილი

XVII-XVIII საუკუნეების ქართველი პოეტი და კალიგრაფი;1688-1721წწ. იყო ერეკლე I-ის, არჩილ II-ის, ლევან ბატონიშვილისა და ვახტანგ VI-ის კარის მდივან-მწიგნობარი; 1701-1705წწ. არჩილ II-ის დავალებით გადაწერა "არჩილიანი"(S- 425); მასვე ეკუთვნის ვახტანგ მეექვსის სახელზე დაწერილი ეპიტაფია, რომელიც მხატვრული ღირსებებითაც საყურადღებოა და ინტონაციურადაც ენათესავება თვით ვახტანგისა ლექსთა ტონალობას. 1721 წელს ვახტანგ VI-ის ბრძანებით ვახუშტი ბატონიშვილთან ერთად აღწერა საბარათიანო. მისი ლექსები დაცულია ხელნაწერების (S-424, Q-548) სახით. თუმანიშვილს ეკუთვნის ვახტანგ VI-ის ეპიტაფია. გივი თუმანიშვილს ვახტანგ მეექვსესა და სულხან საბასთან ერთად მონაწილეობა მიუღია „შვიდი მთიების” თემაზე გამართულ ლიტერატურულ შეჯიბრში.

წყარო: ქართული საბჭოთა ენციკლოპედია. ტ. 5.- თბ., 1980.- გვ. 9; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ. 159