მიხეილ ნანობაშვილი

დაბადების ადგილი: ქ. თბილისი.

დაამთავრა თბილისის ვაჟთა II გიმნაზია, პეტერბურგის უნივერსიტეტი (იურიდიული).

მღეროდა თბილისის ეგზარქოსის გუნდში; ვოკალურ ხელოვნებას ეუფლებოდა სანქტ-პეტერბურგში(1896), პედაგოგი გაბელი, 1900 წლიდან იტალიაში, ქ. მილანში, პედაგოგი ფერნი ჯირალდონი; 1903 წლიდან მოღვაწეობდა ევროპაში; 1908-1924წწ. იყო პარიზის "გრანდ ოპერა"-ს წამყვანი სოლისტი; 1911-1912წწ. გამოდიოდა ქ. მონრეალისა და ქ. ტორონტოს საოპერო სცენებზე; 1912 წელს დაბრუნდა საქართველოში; 1914-1919წწ. გამოდიოდა ქ. ნიცაში, ქ. ლუშენში(საფრანგეთი), ქ. ჰინსბურგში(აშშ); 1920 წელს კვლავ დაბრუნდა საქართველოში; 1920 წელს აირჩიეს "ქართველ მუსიკოს-მომღერალთა კავშირის თავმჯდომარედ"; 1921-1924წწ. გამოდიოდა ქ. ბარსელონას, ქ. პარიზის ოპერის სცენებზე; საფრანგეთმა გამოუშვა საფოსტო ბარათი მიხეილ ნანობაშვილის გამოსახულებით; საფრანგეთში გამოცემულია მისი საოპერო პარტიების ჩანაწერები; რეპერტუარი: ბიზე "კარმენი", მასნე "ვერთერი", "მანონი", მეიერბერი "ჰუგენოტები", "რახილი", პუჩინი "ტოსკა", ბოიტო "მეფისტოფელი", გუნო "ფაუსტი", ვერდი "აიდა", "ტრავიატა"; გასტროლები: იტალია, ესპანეთი, თურქეთი, აშშ, რუსეთი - საოპერო სცენები, საკონცერტო დარბაზები; 1911, 1913 და 1920წწ. თბილისში შედგა გასტროლები; კონცერტებს მართავდა აგრეთვე ქ. ქუთაისში, ქ. ბათუმში, მეუღლესთან, პიანისტ ჟანეტ კენისთან ერთად; საოპერო მომღერალი, ტენორი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 361; კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.100