მედეა ნამორაძე

დაბადების ადგილი: ქ. თბილისი.

დაამთავრა თბილისის II მუსიკალური სასწავლებელი, ვანო სარაჯიშვილის სახელობის თბილისის სახელმწიფო კონსერვატორია 1975 წელს(ვოკალური).

მოსკოვის კონსერვატორიაში გაიარა ასისტენტურა-სტაჟირების კურსი, პედაგოგები ბ. რუდენკო, ზ. სოტკილავა; 1966 წელს თბილისის რუსთაველის თეატრში კამერულ ორკესტრთან ერთად შედგა საკონცერტო დებიუტი; 1968 წლიდან საქართველოს ფილარმონიის, "მოსკონცერტისა" და "როსკონცერტის" სოლისტი; 1978 წლიდან ზ. ფალიაშვილის სახელობის თბილისის ოპერისა და ბალეტის თეატრის სოლისტი, დებიუტი - ვიოლეტა(ვერდი "ტრავიატა"); 1989 წლიდან ცხოვრობს და მოღვაწეობს აშშ-ში; 1989-1992წწ. ატარებდა მასტერკლასებს ქ. ლოიოლას უნივერსიტეტში; 1993 წლიდან არის ქ. შენანდოს კონსერვატორიის დოქტორი, ქ. ვინჩესტერის უნივერსიტეტის ასოცირებული პროფესორი; მონაწილეობდა ქართველ კომპოზიტორთა საავტორო კონცერტებში; გაკეთებული აქვს 100-მდე რომანსის საარქივო ჩანაწერი; უცხოეთში ქართული მუსიკის პროპაგანდისტი; თანამშრომლობს: გ. და ზ. აზმაიფარაშვილები, ნ. ანდღულაძე, ნ. და ო. დიმიტრიადები, ა. ერქომაიშვილი, ჯ. კახიძე, დ. მახაშვილი, დ. მირცხულავა, ზ. სოტკილავა, მ. სპარაშინო, რ. ტაკიძე, მ. ფანიაშვილი, ე. ძამაშვილი, ზ. ხუროძე, თ. ჯაფარიძე; ქართული რეპერტუარი: მარო(ზ. ფალიაშვილი "დაისი"), ქეთო(ვ. დოლიძე "ქეთო და კოტე"), მარგალიტა, ფოსტალიონი(ო. თაქთაქიშვილი "პირველი სიყვარული"), მწყემსი ქალი(ს. ცინცაძე "განდეგილი"); ვოკალურ-ინსტრუმენტული: ო. თაქთაქიშვილი "ლირიკული სიმღერები", "სატრფიალო სიმღერები", ს. ცინცაძე "ხუთი რომანსი პ. გრუზინსკის ლექსებზე", ა. შავერზაშვილი კონცერტი მაღალი სოპრანოსა და ორკესტრისათვის(1982, პირველი შესრულება), მ. დავითაშვილ ვოკალური ციკლი ა. კალანდაძის ლექსებზე, ქართული რომანსები; სხვა რეპერტუარი: ვიოლეტა, ჯილდა, ოსკარი(ვერდი "ტრავიატა", "რიგოლეტო", "ბალ-მასკარადი"), როზინა(როსინი "სევილიელი დალაქი"), ცერლინა(მოცარტი "დონ ჟუანი"), მიუზეტა(პუჩინი "ბოჰემა"), ადინა(დონიცეტი "სიყვარულის ნექტარი"), ფრასკიტა(ბიზე "კარმენი"), იოლანტა(ჩაიკოვსკი "იოლანტა"), როსინი "Stabat Mater" და "პატარა საზეიმო მესა", მოცარტი საკორონაციო მესა და დიდი მესა C-dur, პულენკი "Gloria"; გასტროლები: სსრკ, აშშ, გერმანია, უნგრეთი, პოლონეთი, ავსტრალია; საოპერო მომღერალი, სოპრანო.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 360

• 2011 - წლის საუკეთესო პედაგოგი (აშშ)
• 1969 - ამიერკავკასიის მუსიკოს-შემსრულებელთა კონკურსი, II პრემია