მერაბ მამარდაშვილი

დაბადების ადგილი: ქ. გორი.

დაამთავრა მოსკოვის სახელმწიფო უნივერსიტეტის ფილოსოფიის ფაკულტეტი 1954 წელს.

1968-1987 წლებში სამეცნიერო ჟურნალის "ვოპროსი ფილოსოფიი" მთავარი რედაქტორის მოადგილე, მოსკოვის სახელმწიფო უნივერსიტეტის პროფესორი და რუსეთის მეცნიერებათა აკადემიის მოსკოვის ფილოსოფიის ინსტიტუტის უფროსი მეცნიერ თანამშრომელია. 1987-1990 წლებში საქართველოს მეცნიერებათა აკადემიის წერეთლის სახელობის ფილოსოფიის ინსტიტუტის ბუნებისმეტყველების ფილოსოფიის განყოფილების გამგეა და თბილისის სახელმწიფო უნივერსიტეტის პროფესორი. სხვადასხვა დროს ლექციებს კითხულობდა გერმანიაში, საფრანგეთსა და სხვა ქვეყნებში.

გერმანული ფილოსოფიის (განსაკუთრებით იმანუელ კანტის) გავლენის მუშაობდა აღქმის რაციონალისტურ თეორიაზე. მნიშვნელოვანია მისი წვლილი მეცნიერების ფილოსოფიაშიც. გამოქვეყნებული აქვს მარსელ პრუსტის შემოქმედების კვლევები. ფილოსოფიის მეცნიერებათა დოქტორი (1970), პროფესორი. 2001 წლის მაისში თბილისში გაიხსნა მ. მამარდაშვილის ბიუსტი(ძეგლის ავტორი: ერნსტ ნეიზვესტნი).

წყარო: თბილისი: ენციკლოპედია.- თბ., 2002. - გვ.638

• ლექციები ანტიკურ ფილოსოფიაში : ლექციები, საუბრები (ავტორი). - თბილისი, ქართული ბიოგრაფიული ცენტრი, 2013. - 352გვ.
• ცნობიერების ტოპოლოგია : ლექციები, მოხსენებები, ინტერვიუები, სტატიები (ავტორი). - თბილისი, ქართული ბიოგრაფიული ცენტრი, 2011. - 319გვ.
• აზრები (ავტორი). - ქუთაისი, საგამომცემლო ცენტრი, 2003. - 116გვ.
• ლექციები ფსიქოანალიზის შესახებ (ავტორი). - თბილისი, CIPDD, 1998. - 64გვ.
• ჩახშული ფიქრი : საუბრები ანი ეპელბუანთან (ავტორი). - თბილისი, ჩელმი, 1992. - 48გვ.
• ფილოსოფიის საფუძვლები : ლექციების ციკლი (ავტორი). - თბილისი, საქ. მეცნ. აკად., ფილოსოფიის ინ-ტი, 1992. - 222გვ.