ნუგზარ ერქომაიშვილი

დაბადების ადგილი: ქ. თბილისი.

დაამთავრა კინემატოგრაფიის საკავშირო სახელმწიფო ინსტიტუტის საოპერატორო ფაკულტეტი 1979 წელს.

1962 წლიდან მუშაობდა კინოსტუდია "ქართულ ფილმში" ოპერატორის ასისტენტად, მეორე ოპერატორად ფილმებზე: "დიდოსტატის მარჯვენა" (1969), "ლევან ხიდაშელი" (1973), "ივანე კოტორაშვილის ამბავი" (1974), "მწვერვალი" (1976) და სხვ. ნუგზარ ერქომაიშვილმა გადაიღო ფილმები: "კაშხალი მთაში" (1979), "ნიკა მთაში" (1979), "როგორ ვიცხოვრო უშენოდ" (1980). არის  დამდგმელი ოპერატორი შემდეგი ფილმებისა: "რამდენიმე ინტერვიუ პირად საკითხებზე" (1978), "წერილები შვილებს"(1981), "დღეს ღამე უთენებია" (1983), "ბატონი ავანტიურისტები"(1985, გ. ჭელიძესთან ერთად), "ორომტრიალი" (1986), "მამა, შვილი და ნიავი" (1988), "ხედვის ანბანი" (1994), "ერთაწმინდა" (1994) და სხვ. კინოოპერატორი.

წყარო: საქართველო: ენციკლოპედია: ტ.III.–თბ., 2014.–გვ.94; ეროვნული ფილმოგრაფია: geocinema.ge

• საქართველოს კინემატოგრაფისტთა შემოქმედებითი კავშირი, წევრი

• 1985 - საქართველოს ხელოვნების დამსახურებული მოღვაწე
• 1983 - საქართველოს სსრ მინისტრთა საბჭოს პრემია "ხუთწლედის მატიანე"
  ფილმისათვის "დღეს ღამე უთენებია"
• 1978 - სსრკ სახელმწიფო პრემია
  ფილმისათვის "რამდენიმე ინტერვიუ პირად საკითხებზე"