მარიამი (ქართლის დედოფალი)

ქართლის დედოფალი 1634 წლიდან; 1632-1658წწ. როსტომ მეფის მეუღლე, მანუჩარ I დადიანის ასული და ლევან II დადიანის და. როსტომის გარდაცვალების შემდეგ მიათხოვეს ქართლის მეფეს ვახტანგ V-ს. 1634-1646წწ. მარიამის თაოსნობით თბილისში გადაიწერა "ქართლის ცხოვრების" კრებული, რომელიც ქართული კულტურის ისტორიაში შევიდა მარიამისეული "ქართლის ცხოვრების" სახელწოდებით. მარიამი ზრუნავდა მტრის მიერ დანგრეული ეკლესია-მონასტრების აღდგენაზე. მფარველობდა პოეტებს, მთარგმნელებს, კალიგრაფ-გადამწერებს, საერთოდ წიგნიერ, განათლებულ ხალხს. მარიამს მიეძღვნა რამდენიმე ნაწარმოები, სადაც იგი "მეორე თამარად" არის წოდებული.

წყარო: თბილისი: ენციკლოპედია.- თბ., 2002. - გვ.641; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.67-68