ლევან მარუაშვილი

დაბადების ადგილი: ქ. ნოვოჩერკასკი, როსტოვის ოლქი, რუსეთი.

დაამთავრა თბილისის სახელმწიფო უნივერსიტეტი 1938 წელს.

1938-1941წწ. მუშაობდა ქუთაისის პედაგოგიურ ინსტიტუტში; 1941-1945წწ. იმყოფებოდა მეორე მსოფლიო ომში (სტალინგრადი, 1943 წლის ბოლოდან კავკასიაში); ომის დამთავრების შემდეგ ბრუნდება ქუთაისის პედაგოგიურ ინსტიტუტში; 1949-1953წწ. სოხუმის პედაგოგიურ ინსტიტუტში გადაჰყავთ კათედრის გამგედ; 1953 წლიდან ვახუშტი ბაგრატიონის სახელობის გეოგრაფიის ინსტიტუტში კონკურსით დაიკავა ფიზიკური გეოგრაფიის განყოფილების ხელმძღვანელის თანამდებობა; 1956-1980წწ. გეომორფოლოგიის, ხოლო 1980-1992წწ. გეომორფოლოგიისა და პალეოგეოგრაფიის განყოფილების ხელმძღვანელია. ძირითადად მოღვაწეობდა გეომორფოლოგიის და პალეო-გეოგრაფიის დარგებში. მისი ავტორობითა და რედაქტორობითაა შექმნილი კაპიტალური მონოგრაფია "საქართველოს გეომორფოლოგია" (რუს. ენაზე: 1971წ.) იგი ავტორია პირველი ფუნდამენტური სახელმძღვანელოებისა საქართველოსა და კავკასიის ფიზიკურ გეოგრაფიაში, გამოსცა "პალეოგეოგრაფიული ლექსიკონი" (რუს. ენაზე, 1985); 1982 წელს მონაწილეობდა "საქართველოს წითელი წიგნის" შედგენაში. ხელმძღვანელობდა ალპინისტურ ასვლებს ყუროზე, არჯიყოლთაუზე, მყინვარწვერსა და სხვა მწვერვალებზე. 1932-1936წწ. მონაწილეობდა პამირის ექსპედიციებში. ავტორია 500-მდე სამეცნიერო და სამეცნიერო-პოპულარული ნაშრომისა, რომელთგან 30-მდე ცალკე წიგნად არის გამოცემული ქართულ, რუსულ, ინგლისურ და ჰინდის ენებზე. გეოგრაფიის მეცნიერებათა დოქტორი (1954), პროფესორი (1965), მთამსვლელი.

საკანდიდატო დისერტაციის თემა: "კლასტოკარსტი ცენტრალური სამეგრელოს ნეოგენურ კონგლომერატებში". დაიცვა 1947 წელს (მოსკოვის უნივერსიტეტი); სადოქტორო დისერტაციის თემა: "სამხრეთ საქართველოს ვულკანური ზეგანი (აღნაგობა, რელიეფი, განვითარების ისტორია)". დაიცვა 1952 წელს.

წყარო: თბილისი: ენციკლოპედია.- თბ., 2002. - გვ.643; ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.185-186;  საქართველო: ენციკლოპედია: ტ.5. -თბ.,2023. -გვ.557

• საქართველოს გეოგრაფიული საზოგადოების საპატიო წევრი (1985-)

• 1985 - საქართველოს სახელმწიფო პრემია
• 1984 - აფხაზეთის მეციერებათა დამსახურებული მორვაწე
• 1977 - ვახუშტი ბაგრატიონის სახელობის პრემია
• 1972 - ნ.მ. პრჟევალსკის სახელობის ოქროს მედალი
• 1966 - საქართველოს მეცნიერებათა დამსახურებული მოღვაწე

• მოგზაურობა ქვეყნიერების ბანზე : პამირ-ალაი-1932 მოგზაურობა ქვეყნიერების ბანზე (ავტორი). - თბილისი, საბჭ. საქართველო, 1988. - 163გვ.
• ათი წელი მწვერვალთა ჰიპნოზის ქვეშ : [ალპინისტის მოგონებები] (ავტორი). - თბილისი, საბჭ. საქართველო, 1979. - 249გვ.
• საქართველოს ფიზიკური გეოგრაფია : საქ. სსრ ბუნებრივი პირობების ზოგადი დახასიათება და რეგიონული აღწერილობა : სახელმძღვ. უმაღლ. სასწ. გეოგრ. ფაკ-ტისათვის (ავტორი). - თბილისი, ცოდნა, 1964. - 343გვ.
• საქართველოს გეოგრაფიული შესწავლის ფუძემდებელი ვახუშტი ბაგრატიონი, 1696-1772 წწ. (ავტორი). - თბილისი, საქ. სსრ მეცნ. აკადემია, 1956. - 108გვ.
• აზიის თვალგადაუწვდენელ სივრცეზე : მარკო პოლო, სვენ ჰედინი (ავტორი). - ტფილისი, საქართველოს გეოგრაფიული საზოგადოება, 1935. - 163გვ.