ეფთვიმე გენათელი (მიტროპოლიტი)

მიტროპოლიტი 1776-1820 წლებში. ეკავა ჯუმათის საეპისკოპოსო. დიდი ხარჯი გასწია გელათის საეპიკოპოსოს ეკონომიური მდგომარეობის  გასაუმჯობესებლად. ყურადღებას აქცევდა გაპარტახებული ადგილების აღდგენას. სოფელ ბოსლევში ხელახლა დაასახლა გლეხები, ააშენა  სოფელი მუხაღრუა, იქვე ააგო ეკლესიაც. იბრძოდა ცენტრალური სამეფო ხელისუფლების გაძლიერებისა და ქვეყნის გაერთიანებისათვის. 1789 წელს შედიოდა იმერეთის საერო და საეკლესიო  თავკაცთა ჯგუფში, რომელთაც წინადადებით მიმართეს ერეკლე II-ს, თავისი ხელისუფლების ქვეშ გაეერთიანებინა ქართლ-კახეთისა და იმერეთის სამეფოები. 1819 წელს, იმერეთის აჯანყების დროს, ეფთვიმე გენათელი რუსეთის ხელისუფლებამ დააპატიმრა - ეგზარქოს თეოფილაქტეს ცრუ დაბეზღების გამო. იგი მიჩნეული იყო აჯანყების ერთ-ერთ მოთავედ. ეფთვიმე გენათელი სხებთან ერთად რუსეთში გადაასახლეს. 2004 წლის 1 აპრილს წმიდა ეფთვიმეს ნეშტი საქართველოში გადმოასვენეს და გელათის მონასტერში დაკრძალეს. 

წყარო: საქართველო: ენციკლოპედია: ტ.III.–თბ., 2014.–გვ.110; საქართველოს ეროვნული არქივი: archive.gov.ge