შალვა გედევანიშვილი

დაბადების ადგილი: ქ. თბილისი.

1919 წელს სასწავლებლად გაემგზავრა პარიზს. იქ მცხოვრები ქართველი რეჟისორის ვ. ყუშიტაშვილის დახმარებით, იგი "ექვს პარიზულ წელიწადს" კონომოღვაწეთა შორის ატარებს; მას იღებენ თავის ფილმებში რენე კლერი, აბელ განსი და იაკობ პროტაზანოვი;

1926 წელს საქართველოში დაბრუნების შემდეგ ასისტენტად მუშაობდა კ. მარჯანიშვილთან ფილმებზე: "ამოკი" (1928), "კომუნარის ჩიბუხი" (1929), "კრაზანა" (1928); მოგვიანებით უკვე მეორე რეჟისორად მუშაობს მ. ჭიაურელთან ფილმებზე: "ფიცი" (1946), "გიორგი სააკაძე" (1942), "დიადი განთიადი" (1938), "არსენა" (1937), აგრეთვე კოტე მიქაბერიძესთან და ალ. დიღმელოვთან ფილმზე "ქაჯეთი" (1937); შ. გედევანიშვილის მიერ კინოფილმებში შესრულებული როლებიდან აღსანიშნავია: ექიმი რიკარდო ("ამოკი", 1927), ვოვა ("უკანასკნელი მასკარადი", 1934), კორნეტი ამილახვარი ("არსენა", 1937), თბილისელი ჩინოვნიკი ("მაგდანას ლურჯა", 1955), ძერჟინსკი ("დიადი განთიადი", 1938); "მთვარის მოტაცება" (1973), "სინემა" (1977), "მე დავბრუნდები"(1982), "ბატონი ავანტიურისტები" (1985), "ჭა" (1988) და სხვა; გადაიღო მხატვრული ფილმები "ქეთო და კოტე" (ვ. ტაბლიაშვილთან ერთად, 1948) და "ზვიგენის კბილი" (1959); მუშობს მულტიპლიკაციურ კინოში: "ნაზიკო" (1956), "ბეკეკა", "გმირი ერთი საათით" (1956), "კალეიდოსკოპი", "ბეკეკა ლურჯა", "როგორ წარმოიშვა სახლი" (1965), "ეშმაკის ჯვარცმა" (1967) და სხვა; მას ეკუთვნის პირველი ქართული თოჯინური ფილმი "ნიკო და სიკო" (1962); დამდგმელი რეჟისორია ფილმების: "ქეთო და კოტე" (1948), "ნებიერი" (ანიმაციური, 1950), "ყურშა" (ანიმაციური, 1954), "ნიკო და სიკო" (ანიმაციური, 1961), "როგორ ააშენეს სახლი" (ანიმაციური, 1965) და სხვა; სცენარის ავტორია ფილმების: "სამი მეგობარი" (ანიმაციური, 1943), "ნებიერი" (ანიმაციური, 1950), "გმირი" (ანიმაციური, 1963).

წყარო: ქართული საბჭოთა ენციკლოპედია: ტ.3.-თბ.,1979.-გვ.34; 2007 წლის საიუბილეო თარიღები: (თეატრი, მუსიკა, კინო, ქორეოგრაფია),- თბ., 2007.- გვ.22; ეროვნული ფილმოგრაფია: geocinema.ge

• საქართველოს კინემატოგრაფისტთა შემოქმედებითი კავშირი, წევრი

• 1967 - საქართველოს ხელოვნების დამსახურებული მოღვაწე