მიხეილ მაჭავარიანი

დაბადების ადგილი: ქ. სამტრედია.

დაამთავრა ტომსკის ტექნოლოგიური ინსტიტუტი 1913 წელს.

მუშაობდა რუსეთში სხვადასხვა დროს სარკინიგზო ხაზების მშენებლობის მთავარ არქიტექტორად; 1921 წლიდა ცხოვრობდა და მუშაობდა საქართველოში; 1923-1930 წწ. იყო თბილისის სამხატვრო აკადემიის არქიტექტურის ფაკულტეტის პროფესორი და დეკანი; 1938-1951 წწ. საქართველოს პოლიტექნიკური ინსტიტუტის არქიტექტურის კათედრის გამგე; მისი ნამუშევრებია: ზემო ავჭალის ჰესი (ზაჰესი, 1927, ა. კალგინთან და კ. ლეონტიევთან ერთად), რკინიგზის ვაგზლის შენობა ოზურგეთში (1923–1929) და სხვ. მისმა არქიტექტურამ დიდი გავლენა იქონია იმ დროის ქართულ ხუროთმოძღვრებაზე. მიღებული აქვს სახელმწიფო ჯილდოები.

წყარო: თბილისი: ენციკლოპედია.- თბ., 2002. - გვ.650; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 609

• 1944 - საქართველოს მეცნიერებისა და ტექნიკის დამსახურებული მოღვაწე
• შრომის წითელი დროშის ორდენი