ზურაბ ვადაჭკორია

დაბადების ადგილი: ქ. თბილისი.

დაამთავრა საქართველოს საცირკო-საესტრადო ხელოვნების სასწავლებელი 1986 წელს.

1981-1991 წლებში იყო საქართველოს ფილარმონიის ორიგინალური ჟანრის მსახიობ - ილუზიონისტი. მან პირველმა შემოიტანა  და დაამკვიდრა საქართველოში საილუზიო ხელოვნების კულტურა. 1991 წლიდან არის ნ. დუმბაძის სახელობის მოზარდ მაყურებელთა თეატრის კონსულტანტი. 1992 წელს თბილისში შექმნა საილუზიო შოუ-სპექტაკლი "მაგიური შოუ". გასტროლებზე იმყოფებოდა მსოფლიოს მრავალ ქვეყანაში. გამოქვეყნებული აქვს 4 წიგნი, რომლებიც ეძღვნება საილუზიო ხელოვნების შესწავლას. არის მრავალი ფოკუსის ავტორი და ახალგაზრდა, დამწყებ ილუზიონისტთა აღმზრდელი. 1988 წელს ილუზიონისტთა ფესტივალ კონკურსში "ჯადოსნური აღლუმი-88", საერთო მაგიაში პირველი ადგილი მოიპოვა; 2007 წელს შეიქმნა დსთ-ის ქვეყნებში პირველი საფოსტო მარკა "ქართული საილუზიო ხელოვნება" ზურაბ ვადაჭკორიას სილუეტით. ილუზიონისტი.

წყარო: საქართველო: ენციკლოპედია: ტ.III.–თბ., 2014.–გვ.129;  წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.279

• აშშ-ს საერთაშორისო ილუზიონისტთა საძმო, წევრი (1991-)
• მოსკოვის ილუზიონისტთა კლუბი, წევრი (1981-)
• საქართველოს ილუზიონისტთა კლუბი , დამფუძნებელი, პრეზიდენტი (1986-)
• ქ. ბრნოს(ჩეხეთი) ილუზიონისტთა კლუბი, წევრი (2004-)

• 2000 - ღირსების ორდენი

• 121 ფოკუსი (ავტორი). - თბილისი, პალიტრა L, 2008. - 124გვ.
• 111 ფოკუსი (ავტორი). - თბილისი, პოლიგრაფ+, 2006. - 112გვ.
• ასი ფოკუსი ყველასთვის (ავტორი). - თბილისი, დაჩი, 2005. - 64გვ.
• ფოკუსები : 25 ფოკუსი თავისი ნახატებითა და ახსნა-განმარტებებით (ავტორი). - თბილისი, ბაკურ სულაკაურის გამ-ბა, 2004. - 56გვ.