ელისო ერისთავი

დაამთავრა მუსიკალური სასწავლებლის საფორტეპიანო განყოფილება 1968 წელს; თბილისის ვანო სარაჯიშვილის სახელმწიფო კონსერვატორია, მუსიკის ისტორია და თეორია - 1974 წელს.

1974-1981წწ. - თბილისის პუშკინის სახელობის პედაგოგიური ინსტიტუტი, მუსიკის კათედრა, კონცერტმეისტერი, მუსიკალური ფორმის და ჰარმონიის ლექციები; 1981-1993წწ. - თბილისის მუსიკალური სკოლა N16, ფორტეპიანოს პედაგოგი; 1992-2001წწ. - თბილისის ჯაზის აკადემია ("აუდიოვიზუალური სინთეზი“), ტელე-რადიო კომპანია "საქართველო“, საავტორო პროგრამა "რა არის პლასტიკა“, გადაცემების წამყვანი და რეჟისორი); 1996 წლიდან -  საქართველოს შოთა რუსთაველის თეატრისა და კინოს სახელმწიფო უნივერსიტეტის ასოცირებული პროფესორი, აუდიოვიზუალური ხელოვნების საუნდ დიზაინის მიმართულების ლექციები. მუსიკათმცოდნე, ხელოვნებათმცოდნეობის მეცნიერებათა დოქტორი (2004), პროფესორი.

საკანდიდატო დისერტაციის თემა - "მუსიკის როლი მოკლემეტრაჟიანი მხატვრული ფილმების კომპოზიციურ სტრუქტურაში", დაიცვა 1992 წელს; სადოქტორო დისერტაციის თემა - "ფილმის ხმოვან-ხედვითი სტრუქტურა", დაიცვა 2004 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.583; საქართველოს შოთა რუსთაველის თეატრისა და კინოს სახელმწიფო უნივერსიტეტი: tafu.edu.ge

• საქართველოს კინემატოგრაფისტთა შემოქმედებითი კავშირი, წევრი

• ფილმის ხმოვანხედვითი სტრუქტურა (ავტორი). - თბილისი, კენტავრი, 2010. - 234გვ. . - ISBN: 9789941911842
• ფილმის ხმოვანხედვითი სტრუქტურა (ავტორი). - თბილისი, ზეკარი, 2005. - 224გვ.. - ISBN: 9994070177