ერეკლე ორბელიანი

დაამთავრა თბილისის სათავადაზნაურო გიმნაზია, თბილისის კონსერვატორია(საფორტეპიანო).

პირველდაწყებითი მუსიკალური განათლება მიიღო თბილისში, პედაგოგი მ. გაბაშვილი; 1879 წლიდან იყო თბილისის სათავადაზნაურო სკოლა-პანსიონის პედაგოგი; 1921 წლიდან მუსიკალური განათლების მიღება გააგრძელა ჯერ ბერლინში, პედაგოგი მაიერმარჰი(ფორტეპიანო), შემდეგ ვენაში; 1924-1930წწ. ეწეოდა საკონცერტო მოღვაწეობას პარიზში; 1930 წლიდან საცხოვრებლად გადავიდა აშშ-ში; გამოდიოდა სოლო კონცერტებით აშშ-სა და ევროპის ცნობილ საკონცერტო დარბაზებში, აგრეთვე ცნობილ იტალიელ ტენორთან ბ. ჯილისთან ერთად; მეგობრობდა ს. რახმანინოვთან, რემელიც ასეთ შეფასებას აძლევდა ერეკლე ორბელიანის საშემსრულებლო ხელოვნებას: "ჩემს შემდეგ ჩემს ნაწარმოებებს ყველაზე უკეთ ასრულებს ირაკლი ორბელიანი"; წერდა რომანსებს ქართველი ემიგრანტი პოეტების ლექსებზე; 1930-ია წლებში აშშ-ში ქართველთა სათვისტომოს თავმჯდომარე; 1950 წელს დააარსა(სხვა ქართველ ემიგრანტებთან ერთად) "ქართველ-ამერიკელთა ლიგა"; 1951 წელს დაევალა რადიო "ამერიკის ხმის" ქართული რედაქციის დაარსება, გარდაცვალებამდე იყო მისი ხელმძღვანელი; თხზულებები საფორტეპიანო პიესები, იმპროვიზაციები, რომანსები შ. ამირეჯიბისა და ს. ბერეჟიანის ლექსებზე; ელისაბედ ირაკლის ასული ორბელიანის(ბაგრატიონის) ვაჟიშვილი, ერეკლე II-ს შთამომავალი; პიანისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 376