რობერტ ლაიელი

დაბადების ადგილი: პეისლი, შოტლანდია.

1822 წელს იმოგზაურა რუსეთში, ყირიმსა და კავკასიაში. დაათვალიერა მუხროვანი, გომბორი, თელავი, ყვარელი, გრემი, ალვანი, ალავერდი: გარკვეული გზის ნაწილი განვლო ალ. გრიბოედოვთან ერთად. აღწერა თბილისი, მუხროვანი, თელავი და სხვა გეოგრაფიული პუნქტები; საქართველოს სამხედრო გზა; აქვს ცნობები ქართველებზე, ოსებზე და სხვა. აგრეთვე ვრცელი ისტორიული ექსკურსები (ა. ერმოლოვი 1817 მისია ირანში, ისტორიული ნარკვევები საქართველოზე). მის წიგნში არის ილუსტრაციები: დარიალის ციხე და ხიდი თერგზე, რომაული ხიდი მტკვარზე, თბილისის ციხე, გრემი, ციხე და ეკლესია, თელავი, თბილისი, ანანური, გამაგრებული სოფელი ყაზბეგთან. ბოტანიკოსი და მოგზაური.

წყარო: ქართული საბჭოთა ენციკლოპედია: ტ. 6.-თბ., 1983.-გვ.110; წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge