მიხეილ მელია

დაბადების ადგილი: ქ. ბაქო.

დაამთავრა საქართველოს ინდუსტრიული ინსტიტუტის სამშენებლო-საინჟინრო ფაკულტეტი, ინჟინერ-არქიტექტორის კვალიფიკაციით 1932 წელს.

მუშაობა დაიწყო არქიტექტორად "საქსახპროექტში". 1932-1935წწ. იყო მოსკოვის არქიტექტურულ-სამშენებლო ინსტიტუტის ასპირანტ-ასისტენტი. 1936 წლიდან XX ს. 80-იანი წლების ბოლომდე მუშაობდა არქიტექტორად "თბილქალაქპროექტში" სხვადასხვა თანამდებობებზე მათ შორის არქიტექტურული სახელოსნოს ხელმძღვანელად. მისი ძირითადი ნამუშევრები: თბილისში - საცხოვრებელი სახლი N 1 შოთა რუსთაველის პროსპექტზე (1939, ს. ყუბანეიშვილთან და ა. ქურდიანთან ერთად), დ. უზნაძის ქუჩაზე (1955), ი. სტალინის სახელობის ხიდი (1953; ინჟ. გ. ჩომახიძე; ახლანდელი გალაკტიონის ხიდი), საცხოვრებელი სახლების კომპლექსი კ. მარჯანიშვილის მოედანზე (1947-1949). მიღებული აქვს სახელმწიფო პრემიები.

წყარო: თბილისი: ენციკლოპედია.- თბ., 2002. - გვ.656; საქართველოს არქიტექტორთა და მშენებელთა ენციკლოპედია. -თბ., 2017.-გვ.393-394;  საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• არქიტექტორთა კავშირი, წევრი

• 1981 - საქართველოს სახელმწიფო პრემია
• 1961 - საქართველოს ხელოვნების დამსახურებული მოღვაწე
• 1951 - სსრკ სახელმწიფო პრემია
• საპატიო ნიშნის ორდენი
• საქართველოს დამსახურებული არქიტექტორი