გივი მელქაძე

დაბადებიის ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1948 წელს.

1949 წლიდან გარდაცვალებამდე მოღვაწეობდა "თბილქალაქპროექტში"; 1955 წლიდან ეწეოდა პედაგოგიურ მოღვაწეობას. იგი არაერთი არქიტექტურული პროექტის ავტორია. მისი ძირითადი ნამუშევრებია: თბილისში - საბავშვო ბაგა-ბაღი ვ. ბარნოვის ქუჩაზე (1953, შ. ყავლაშვილთან ერთად), მეტროპოლიტენის მიწისქვეშა სადგური "მარჯანიშვილის მოედანი" (1966, თ. მიქაშავიძესთან, ი. ყავლაშვილსა და ე. ქვარცხავასთან ერთად), ტექნიკური სახლის კომპლექსი ვაგზლის მოედანზე (1968, ე. კვერნაძესთან ერთად), ცეკავშირის ადმინისტრაციული სახლი თავისუფლების მოედანზე (1970, ე. ქვარცხავასთან ერთად) და სხვა.

წყარო: თბილისი: ენციკლოპედია.- თბ., 2002. - გვ.657; საქართველოს არქიტექტორთა და მშენებელთა ენციკლოპედია. -თბ., 2017.-გვ.395-396; გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.107

• 1967 - საქართველოს დამსახურებული არქიტექტორი

• არქიტექტორი გივი მელქაძე : გამოფენის კატალოგი (ავტორი). - თბილისი, საქ. კპ ცკ–ის გამ–ბის სტ., 1984. - 16გვ.