ჯუანშერ ვათეიშვილი

დაბადების ადგილი: ქ. თბილისი.

დაამთავრა მოსკოვის სახელმწიფო უნივერსიტეტი 1954 წელს.

1958 წლიდან მუშაობდა საქართველოს მეცნიერებათა აკადემიის პრეზიდიუმში (პრეზიდენტის თანაშემწედ, განყოფილების გამგედ). 1960-1962 წლებში-ივანე ჯავახიშვილის სახელობის ისტორიის, არქეოლიგიისა და ეთნოგრაფიის ინსტიტუტში (1962-1964 წლებში იყო სწავლული მდივანი). 1985 წლიდან მოსკოვის რუსეთ-საქართველოს ურთიერთობის ისტორიის სამეცნიერო-კვლევითი მუზეუმის დირექტორი, 1988 წლიდან-გერმანიის სამეცნიერო საზოგადოების "გიორესგეზელშაფტის" (ქ. კიოლნი) ნამდვილი წევრი. 1992 წლიდან ხელმძღვანელობდა მოსკოვში თავისავე დაფუძნებულ  ალექსანდრე და პეტრე ბაგრატიონების სახელობის საერთაშორისო ფონდს, 1996 წლიდან კი ამსტერდამში ნიკოლაას ვიტსენისა და ალექსანდრე ბაგრატიონის სახელობის ქართულ სამეცნიერო-კულტურულ ცენტრ "გეორგიკას". ჯუანშერ ვათეიშვილის სამეცნიერო ინტერესების სფერო მოიცავს საქართველოს ურთიერთობათა ისტორიას რუსეთთან და დასავლეთ ევროპის ქვეყნებთან. 1977-1982-1990 წლებში, როგორც იუნესკოს სტიპენდიანტმა, ხუთი ქვეყნის (საფრანგეთი, იტალია, ესპანეთი, ჰოლანდია, შვედეთი) არქივებში მოიძია ვრცელი დოკუმენტური მასალა დასავლეთ ევროპის ქვეყნებთან საქართველოს ისტორიული ურთიერთობის შესახებ. პროფესორი, ისტორიის მეცნიერებათა დოქტორი.

წყარო: საქართველო: ენციკლოპედია: ტ.III.–თბ., 2014.–გვ.137; facebook.com

• ალექსანდრე და პეტრე ბაგრატიონების სახელობის საერთაშორისო ფონდი, დირექტორი
• გერმანიის სამეცნიერო საზოგადოება "გიორესგეზელშაფტი"(ქ. კიოლნი) , ნამდვილი წევრი (1988-)

• 1990 - საქართველოს სახელმწიფო პრემია (ერთობლივი გამარჯვება)
  პირველი ქართული ნაბეჭდი გამოცემები/ არნოლდ ჩიქობავა, ჯუანშერ ვათეიშვილი.- თბილისი : ხელოვნება, 1983. - 623გვ.

• საქართველო და ევროპის ქვეყნები = Georgia and European countries : : XIII-XIX სს. ურთიერთობათა ისტორიის ნარკვევები : 7 ტომად (ავტორი) // ტ. 2 : საქართველო და დასავლეთ ევროპა XVII-XVIII სს. = Georgia and Western Europe 17th-18th centuries.. - თბილისი, ილიას სახელმწ. უნ-ტის გამ-ბა, 2014. - 1068გვ.
• საქართველო და ევროპის ქვეყნები = Georgia and European countries : : XIII-XIX სს. ურთიერთობათა ისტორიის ნარკვევები : 7 ტომად (ავტორი) // ტ. 1 : საქართველო და დასავლეთ ევროპა XIII-XVII სს.. - თბილისი, ილიას სახელმწ. უნ-ტის გამ-ბა, 2014. - 776გვ.
• პირველი ქართული ნაბეჭდი გამოცემები (თანაავტორი). - თბილისი, ხელოვნება, 1983. - 683გვ.
• ლეგალური ბოლშევიკური გაზეთი "კავკაზსკი რაბოჩი ლისტოკ" (ავტორი). - თბილისი, სახელგამი, 1955. - 96გვ.