შალვა ვანიშვილი

დაბადების ადგილი: სოფელი ატენი, ახლანდელი გორის მუნიციპალიტეტი.

დაამთავრა თბილისის სახელმწიფო უნივერსიტეტის იურიდიული ფაკულტეტი სახელმწიფო სამართლის სპეციალობით.

1954 წლიდან მუშაობდა ადმინისტრაციულ ორგანოებში, პარალელურად ეწეოდა პედაგოგიურ საქმიანობას ნ. ბარათაშვილის სახელობის გორის პედაგოგიურ ინსტიტუტში, თბილისის სახელმწიფო უნივერსიტეტსა და საქართველოს ტექნიკურ უნივერსიტეტში. მისი სამეცნიერო კვლევის საგანია სახელმწიფოსა და სამართლის ისტორია; გორისა და ვ. სუხიშვილის უნივერსიტეტების სრული პროფესორი. შ. ვანიშვილი 70-80-იან წლებში მოღვაწეობდა საქართველოს მეცნიერებათა აკადემიის ივ. ჯავახიშვილის სახელობის ისტორიისა და ეთნოგრაფიის ინსტიტუტში. გამოქვეყნებული აქვს სამეცნიერო სტატიები ქართულ, რუსულ და ინგლისურ ენებზე, მათ შორის მონოგრაფია - "ამიერკავკასია რუსეთის მმართველობის სისტემაში (1864-1917)"; საქართველოს სხვადასხვა უმაღლეს სასწავლებელში ჩატარებული აქვს 25 ათასი ლექცია-სემინარი და მშობლიური სოფლის სკოლაში 800-მდე გაკვეთილი; იგი ავტორია 1200-მდე პუბლიკაციის; ისტორიის მეცნიერებათა დოქტორი (1991). პროფესორი (1992).

წყარო: საქართველო: ენციკლოპედია: ტ.III.–თბ., 2014.–გვ.160

• საქართველოს პოლიტიკურ მეცნიერებათა აკადემია, წევრი

• "ქართულ-თურქული ურთიერთობები", სამეცნ. კონფერენცია (2012, გორი) : სამეცნიერო კონფერენცია "ქართულ-თურქული ურთიერთობები" = The scientific conference "Georgian-turkish relations" : 30 მარტი, 2012, გორი, საქართველო (თანაავტორი). - თბილისი, უნივერსალი, 2012. - 147გვ.
• ამიერკავკასია რუსეთის მმართველობის სისტემაში, 1864-1917 წ.წ.. (ავტორი). - თბილისი, საბჭ.საქართველო, 1989. - 261გვ.