ვარაზ-ბაკურ გამრეკელი

ვარაზ-ბაკურ გამრეკელი იყო ჯავახეთის ერისთავი XI საუკუნის II ნახევარში. 1064 წელს საქართველოში შემოიჭრა ალფ-არსლანი და ახალქალაქი ააოხრა. ამის შემდეგ მან საქართველოს მეფეს ბაგრატ IV-ს დამოყვრება შესთავაზა - ცოლად სთხოვა დისწული, რომელიც ამავე დროს სომეხთა მეფის(ტაშირ-ძორაგეტის), კვირიკეს ძმისწული იყო. ბაგრატმა კვირიკესთან მოციქულად ვარაზ-ბაკურ გამრეკელი მიაგზავნა. სომეხთა მეფემ უარი განაცხადა ძმისწულის გათხოვებაზე. ამ საბაბით ბაგრატ IV-მ კვირიკე შეიპყრო და სამშვილდე ჩამოართვა.

წყარო: საქართველო: ენციკლოპედია: ტ.III.–თბ., 2014.-გვ.166