ხოსია ლაშხიშვილი

ლეჩხუმის მფლობელი XVII ს. 60-იან წლებში. 1661 წელს ქართლის მეფეს ვახტანგ V -ს უჭერდა მხარს ვამეყ III დადიანის წინააღმდეგ ბრძოლაში. მან მოაწყო ვამეყ III დადიანის მკვლელობა სვანეთში. 1668 წელს ერთხანს ემხრობოდა ოსმალეთის მხარდაჭერით იმერეთის ტახტზე ასულ დარეჯან დედოფალს ( თეიმურაზ I- ის ასული, იმერეთის მეფის ალექსანდრე  III-ის მეუღლე), შემდეგ კი აქტიურად მონაწილეობდა მის  წინააღმდეგ მოწყობილ შეთქმულებაში და თვითონვე მოკლა დარეჯან დედოფალი. იგი მხარს უჭერდა დემეტრე გურიელს, იმერეთის სამეფო ტახტზე ასვლაში, შემდეგ მონაწილეობდა შეთქმულებაში, რის შედეგადაც ბაგრატ  IV -მ ტახტი დაიბრუნა. უკანასკნელად მოხსენიებულია 1669 წლის დეკემბრით დათარიღებულ ბაგრატ IV -ის წერილებში.

წყარო: ქართული საბჭოთა ენციკლოპედია: ტ. 6.-თბ., 1983.-გვ.149