გიგლა პაპალაშვილი

დაბადების ადგილი: სოფელი იყალთო, თელავის რაიონი.

1932 წელს იყო ქ. თელავის სარაიონო გუნდის სოლისტი; მუსიკალური ცოდნის გასაღრმავებლად 2 წელი მღეროდა თბილისის სახელმწიფო კონსერვატორიის საოპერო სტუდიაში(ხელმძღვანელი გრ. კილაძე); 1936 წელს დაბრუნდა თელავში; ამავე წელს თელავის მუსიკალური სასწავლებლის მასწავლებელთა და მოსწავლეთა ძალებით დაიდგა ზ. ფალიაშვილის "აბესალომ და ეთერი", სადაც აბესალომის პარტიას გიგლა პაპალაშვილი ასრულებდა; 1941-1945წწ. ხელმძღვანელობდა თვითმოქმედ კოლექტივებს თელავში, აწყურში, ახმეტაში, ნაფარეულში; ომის დამთავრების შემდეგ ხელმძღვანელობდა ახმეტის კულტურულ სახლთან არსებულ სიმღერისა და ცეკვის ანსამბლს, რომლის წამყვანი სოლისტიც იყო; 1960-იან წლებში ხელმძღვანელობდა თელავის პედაგოგიური ინსტიტუტის სიმღერისა და ცეკვის ანსამბლს; დიდი ამაგი დასდო ქართული ხალხური მუსიკის აღდგენის, შენახვის, დამუშავებისა და პოპულარიზაციის საქმეს; აღადგინა 100-ზე მეტი სიმღერა; დაამუშავა: "ლალისებრო", "თვალად ლამაზმა ქალმანა", "შაირობა", "ამოდი მთაში", "პირიმზის ყვავილმა", "დაკარგული საფლავი"; ხალხური მომღერალი, ლოტბარი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 386;  კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.162

• 1951 - საქართველოს ხელოვნების დამსახურებული მოღვაწე