ნინო ვარდიაშვილი

დაბადების ადგილი: სოფელი ვაქირი, ახლანდელი სიღნაღის მუნიციპალიტეტი.

დაამთავრა თბილისის სახელმწიფო უნივერსიტეტის საბუნებისმეტყველო ფაკულტეტი 1927 წელს.

1915 წლიდან პედაგოგად მუშაობდა სოფელ კალაურის დაწყებით სკოლაში(ახლანდელი გურჯაანის მუნიციპალიტეტი), 1916 წლიდან სიღნაღის მარიამის პროგიმნაზიაში. 1917-1919 წლებში ორკომპლექტიან უმაღლეს დაწყებით სასწავლებელში, 1920-1928 წლებში თბილისის 21-ე შრომით სკოლაში, ხოლო 1928 წლიდან სიცოცხლის ბოლომდე -თბილისის პირველ საცდელ-საჩვენებელ სკოლაში(ახლანდელი თბილისის კლასიკური გიმნაზია) ქიმიის მასწავლებლად. ნინო ვარდიაშვილი იყო ნოვატორი პედაგოგი, რომელიც შემოქმედებითად იყენებდა სწავლებისა და აღზრდის უმდიდრეს მეთოდებს. იგი მხარში ედგა მოსწავლეთა ქართული სიმღერის გუნდს, რომელიც 1953 წელს თბილისის ოლიმპიადის ლაურეატი გახდა. მიღებული აქვს სახელმწიფო ჯილდოები.  

წყარო: საქართველო: ენციკლოპედია: ტ.III.–თბ., 2014.-გვ.170

• დიმიტრი მენდელეევის სახელობის საკავშირო საზოგადოება, წევრი

• 1967 - ნადეჟდა კრუპსკაიას სახელობის პრემია
• 1955 - საქართველოს დამსახურებული მასწავლებელი