იაგო ვარდოსანიძე

დაბადების ადგილი: სოფელი ობჩა, ახლანდელი ბაღდათის მუნიციპალიტეტი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1951 წელს.

1952-1961 წლებში მუშაობდა გაზეთ "ახალგაზრდა კომუნისტის" რედაქციაში ლიტმუშაკად (1952-1954), ხოლო შემდეგ აგიტაციისა და პროპაგანდის განყოფილების გამგედ (1954-1961). 1961-1965 წლებში იყო გამომცემლობა "ნაკადულის" საშუალო და უფროსი ასაკის ბავშვთა ლიტერატურის რედაქციის გამგე, ხოლო შემდეგ ამავე გამომცემლობის მთავარი რედაქტორი. 1968 წელს მუშაობა დაიწყო ქართული ენციკლოპედიის მთავარ სამეცნიერო რედაქციაში - იყო უფროსი სამეცნიერო რედაქტორი, ლიტკონტროლის რედაქციის გამგე (1970-1975) და პასუხისმგებელი მდივანი (1975-1995). იაგო ვარდოსანიძე ეწეოდა მთარგმნელობით საქმიანობას. თარგმნა ბ. ლავრენიოვის, ვ. იანის, რ. ჩანდლერის და სხვათა ნაწარმოებები. მიღებული აქვს სახელმწიფო ჯილდოები.

 წყარო: საქართველო: ენციკლოპედია: ტ.III.–თბ., 2014.-გვ.173

• საქართველოს ჟურნალისტთა ფედერაცია(კავშირი), წევრი (1958-)

• 1988 - საქართველოს სახელმწიფო პრემია (სხვებთან ერთად)
  "ქართული საბჭოთა ენციკლოპედიის" 12-ტომეულის მომზადებასა და გამოცემაში შეტანილი წვლილისათვის
• 1983 - საქართველოს კულტურის დამსახურებული მუშაკი

• ქარვის სანაპიროს გმირები : მოთხრობები (მთარგმნელი). - თბილისი, ნაკადული, 1973. - 106გვ.