მიხეილ ივაშჩენკო

დაბადების ადგილი: ქ. პეტერბურგი.

დაამთავრა პეტერბურგის  სამხედრო იურიდიული აკადემია და არქეოლოგიის ინსტინტუტი 1910 წელს.

1916 წელს მონაწილეობა მიიღო პროფესორ თ. უსპენსკის ხელმძღვანელობით ტრაპზონში ჩატარებულ ისტორიულ-არქეოლოგიურ კვლევა-ძიებაში. 1934-1934 წლებში მუშაობდა სოხუმში. ხელმძღვანელობდა არქეოლოგიურ გათხრებს  (ეშერის სამაროვანი, ზღვისპირა დოლმენები, ოჩამჩირის ნამოსახლარი); იკვლევდა კოლხური კულტურის ძეგლებს. მ. ივაშჩენკოს დიდი დამსახურება მიუძღვის თრიალეთის (1936-1937) და მცხეთის (1938-1941) მდიდარი არქეოლოგიური მემკვიდრეობის შესწავლაში; დაამუშავა აგრეთვე ნუმიზმატიკური, ეთნოგრაფიული და სამხედრო-ისტორიული საკითხები.  მ. ივაშჩენკომ პირველმა გამოთქვა მოსაზრება კოლხური კულტურის არა მხოლოდ კავშირის, არამედ უპირატესობის შესახებ კობანურ კულტურაზე. ის არის  30-ზე მეტი სამეცნიერო ნაშრომის ავტორი. რუსი არქეოლოგი, კავკასიოლოგი. 

წყარო: ქართული საბჭოთა ენციკლოპედია : ტ.5.- თბ., 1980.- გვ. 93; ქართული ნუმიზმატიკური ლექსიკონი.- თბ., 2009.- გვ.85

• აფხაზეთის კულტურისა და ხელოვნების ძეგლთა დაცვის კომიტეტი, სწავლული მდივანი
• აფხაზეთის სამეცნიერო საზოგადოება, წევრი, მდივანი (1924-1931)