რევაზ ვარსიმაშვილი

დაბადების ადგილი: ქ. ქუთაისი.

დაამთავრა საქართველოს პოლიტექნიკური უნივერსიტეტის მექანიკის ფაკულტეტი.

1962-1965 წლებში იყო საპროექტო ინსტიტუტ "საქკვებმრეწვსახპროექტში" განყოფილების გამგე. 1965 წლიდან მუშაობდა საქართველოს ტექნიკურ უნივერსიტეტში მანქანათა ნაწილებისა და ამწე-სატრანსპორტო მანქანების კათედრაზე(1990-2000-კათედრის გამგე, 2000 წლიდან კათედრის პროფესორი). რევაზ ვარსიმაშვილის კვლევები ეხება არამრგვალი სივრცითი კბილანური გადაცემების თეორიას. მის მიერ შემოთავაზებული არამრგვალი კბილანური გადაცემები საშუალებას იძლევა, მანქანების მუშა ორგანოების მოცემული კანონით მიმდინარე მოძრაობა გადაეცეს ურთიეთგადამკვეთ და აცდენილ ღერძებს. ამ კვლევებმა შესაძლებელი გახდა მანქანების ახალი ტიპის კომპაქტური ამძრავების შექმნა, რამაც გაამარტივა მანქანათა კონსტრუქციები, შეამცირა მათი ზომები და წონა. მისი შრომები ეხება აგრეთვე არამრგვალი კბილანების დამზადების მეთოდებს პროგრამული მართვის სისტემების გამოყენებით. არამრგვალკბილებიანი პლანეტარული და დიფერენციალური მექანიზმების კვლევას. ტექნიკის მეცნიერებათა დოქტორი (1985), პროფესორი (1986), მეცნიერი მექანიკა-მანქანათმშენებლობის დარგში.

 წყარო: საქართველო: ენციკლოპედია: ტ.III.–თბ., 2014.-გვ.179

• საქართველოს საინჟინრო აკადემია, წევრი (1996-)

• ზუსტი მექანიზმების გაანგარიშება და კონსტრუირება : მეთოდ. მითითებანი საშინაო დავალების შესასრულებლად (შემდგენელი). - თბილისი, 1986. - 48გვ.
• საკურსო სამუშაო მანქანათა ნაწილებში (შემდგენელი). - თბილისი, ტექნ. უნ-ტის გამ-ბა, 1980. - 96გვ.
• არამრგვალი კბილანები და მათი გამოყენება ტექნიკაში (თანაავტორი). - თბილისი, 1969. - 11გვ.