ქეთი ტოროტაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი 1981 წელს; ამავე უნივერსიტეტის ასპირანტურა 1988 წელს; ფილოლოგიის მეცნიერებათა კანდიდატი (ამჟამად შეესაბამება დოქტორის ხარისხს).

მუშაობდა გამომცემლობა "საბჭოთა საქართველოში" რედაქტორად, უნივერსიტეტის საზღვარგარეთის ლიტერატურის ისტორიის კათედრაზე უფროს მეცნიერ-თანამშრომლად. კითხულობდა ლექციებს სხვადასხვა უმაღლეს სასწავლებლებში. 1989-1991 წლებში აქვეყნებდა სოციალურ-პოლიტიკური ხასიათის პუბლიკაციებს ქართულ პრესაში (გაზეთები "დედასამშობლო", "თბილისი", "მრგვალი მაგიდა - თავისუფალი საქართველო"). ინგლისურიდან და რუსულიდან ნათარგმნი აქვს: უილიამ ს. მოემის რომანი "მოხატული ფარდა", ლოურენს გრინის "ძველი აფრიკის უკანასკნელი საიდუმლოებანი", ა. ვ. ჩაკლინის "მოგზაურობა საიდუმლოს ამოსაცნობად გრძელდება", ჩარლზ გალენკემპის "მაია - გამქრალი ცივილიზაციის საიდუმლო". მის მიერ ნათარგმნი ვაშინგტონ ირვინგის, ამბროზ ბირსის, დეივიდ ჰ. ლორენსის, მურიელ სპარკის მოთხრობები იბეჭდებოდა ლიტერატურულ ჟურნალებში. 2011-2012 წლებში აქვეყნებდა სტატიებს ჟურნალში "ისტორიანი". არის რამდენიმე წიგნის ავტორი. მისი წიგნები:

"იმპერატორი ნაპოლეონი" (2013; 2020)

"პოლონური ქრონიკები" (2013; 2020)

"ინგლისური ლიტერატურის ისტორია" (2013; 2020)

"თქმა მართლისა" (2015; 2020)

"სიმბოლოები და ალეგორიები" (2016; 2020)

"არჩილი" (2018; 2020)

"ელექტრონული პორტრეტები" (2019)

"ნინოს ცხოვრება" (2021)

"როცა მზე ჩადის" (2023)

ელექტრონული ფორმით არის გამოქვეყნებული ელექტრონული წიგნების სახლში "საბა".

საკანდიდატო დისერტაციის თემა - "ავტორის პოზიციის თავისებურება XX საუკუნის მხატვრულ პროზაში (ინგლისური და ამერიკული ლიტერატურის მასალაზე)", დაიცვა 1989 წელს.

• ამერიკული მოთხრობები = American short stories : ანთოლოგია (მთარგმნელი) // 7-24გვ.. - თბილისი, ბაკურ სულაკაურის გამომცემლობა, 2011. - 397გვ.. - ISBN: 978-9941-15-293-1
• მსოფლიო ლიტერატურა : რჩეული მოთხრობები (მთარგმნელი) // ტ. V, გვ.157-176. - თბილისი, დია, 2008. - 376გვ.. - ISBN: 978-9992-84-257-7
• მოხატული ფარდა : რომანი (მთარგმნელი). - თბილისი, არსი, 1992. - 203გვ.
• Своеобразие позиции автора в художественной прозе XX века (на материале английской и американской литературы) : Автореф... канд. филол. наук 10.01.05 (ავტორი). - Тбилиси, 1989. - 24с.
• ძველი აფრიკის უკანასკნელი საიდუმლოებანი (მთარგმნელი). - თბილისი, საბჭ. საქართველო, 1987. - 262გვ.
• მოგზაურობა საიდუმლოს ამოსაცნობად გრძელდება : კიბოს გავრცელების გეოგრაფიული თავისებურება (მთარგმნელი). - თბილისი, საბჭ. საქართველო, 1984. - 288გვ.
• მაია - გამქრალი ცივილიზაციის საიდუმლო (მთარგმნელი). - თბილისი, საბჭ. საქართველო, 1981. - 266გვ.