ლიუბოვ პოდზემსკაია

დაბადების ადგილი: ქ. ვიტებსკი, ბელორუსია.

დაამთავრა ქ. ლენინგრადის მუსიკალური ტექნიკუმი 1936 წელს(საფორტეპიანო), სახელმწიფო კონსერვატორია 1941 წელს(მუსიკისმცოდნეობა).

1936–1938წწ. იყო ლენინგრადის რადიოკომიტეტის მუსიკალური განყოფილების რედაქტორი; 1938–1941წწ. ლენინგრადის პიონერთა სასახლის თეორიული საგნების პედაგოგი; 1941–1945წწ. თბილისის I მუსიკალური სასწავლებლის მხატვრული აკომპანემენტის პედაგოგი, პარალელურად1941–1976წწ. ვ. სარაჯიშვილის სახელობის თბილისის სახელმწიფო კონსერვატორიის პედაგოგი(რუსული მუსიკის ისტორია, საბჭოთა მუსიკის ისტორია, სსრკ ხალხთა მუსიკის ისტორია); 1957–1958წწ. პეკინის, თიენძინის(ჩინეთი) კონსერვატორიის პედაგოგი(რუსული მუსიკის ისტორია), დოცენტი(1967); 1976 წლიდან ცხოვრობდა გერმანიაში; ხელოვნებათმცოდნეობის კანდიდატი, მუსიკისმცოდნე ისტორიკოსი.

საკანდიდატო დისერტაციის თემა – "Общественно-просветительская деятельность Ипполитова-Иванова в Грузии", დაიცვა 1965 წელს.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 391

• საქართველოს კომპოზიტორთა კავშირი, წევრი