ალექსი პოზდნეევი

დაბადების ადგილი: ქ. პეტერბურგი.

დაამთავრა ლენინგრადის უნივერსიტეტი 1924 წელს(საზოგადოებრივ მეცნიერებათა ფაკულტეტი).

1921–1924წწ. სწავლობდა ლენინგრადის კონსერვატორიაში, პედაგოგი ს. ი. სავშინსკი(ფორტეპიანო), ვ. პ. კალაფატი(ჰარმონია, კონტრაპუნქტი), მ. მ. ჩერნოვა(ინსტრუმენტობა); 1924–1948წწ. იყო ლენინგრადის, ყაზანის, ივანოვოს, პეტროზავოდსკის, შახტის, ულან–უდეს, სოხუმის დრამატული თეატრების მუსიკალური ნაწილის გამგე; 1949–1950წწ. ბალტიის ფლოტის მუსიკალური ანსამბლის კონცერტმაისტერი; 1959–1964წწ. სოხუმის მუსიკალური სასწავლებლის პედაგოგი(თეორიული საგნები); თხზულებები: ოპერა – საბავშვო "სახიფათო ნაცნობობა"(1962, აფხაზურ თემებზე); სიუიტები: "ლხინი ჭირიანობის ჟამს" სოლისტების, გუნდისა და ორკესტრისათვის(1936, ა. პუშკინის მიხედვით), "ბრინჯაოს მხედარი"(1942, ა. პუშკინის მიხედვით); სიმფონიური ნაწარმოები: "ბილინა"(1923); ნაწარმოებები აფხაზურ ხალხურ თემებზე: "საქორწინო ცეკვა" და "მარში"(1944), "ფანტაზია"(1945); საფორტეპიანო კონცერტი აფხაზურ ხალხურ თემებზე(1945); ვარიაციები სიმებიანი კვარტეტისათვის ქართული სიმღერის "სულიკოს" თემაზე(1954); საკონცერტო ფანტაზია ლიტვურ ხალხურ თემებზე(1958); რომანსები, სიმღერები, მუსიკა დრამატული სპექტაკლებისათვის(150–მდე); საქართველოში მოღვაწე რუსი კომპოზიტორი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 391

• საქართველოს კომპოზიტორთა კავშირი, წევრი

• აფხაზეთის ხელოვნების დამსახურებული მოღვაწე