ვახტანგ ნინუა

დაბადების ადგილი: ქ. ბაქო.

სწავლობდა ბათუმის მანქანათმშენებლობის ტექნიკუმში; 1941 წელს დაამთავრა თბილისის კინოსტუდიის სამსახიობო სკოლა.

მეორე მსოფლიო ომის დროს 31–ე ქარხანაში ცვლის უფროსად მუშაობდა; 1946 წლიდან მუშაობდა კინოსტუდიაში; 1948 წლიდან სიცოცხლის ბოლომდე იყო მარჯანიშვილის თეატრის მსახიობი; ასრულებდა სახასიათო როლებს, შეასრულა 70-მდე როლი, მათ შორის აღსანიშნავია: გაიოზ ხავთასი (რ. თაბუკაშვილის "რაიკომის მდივანი"), სანდალა (გაბესკირიას "გაზაფხულის დილა"), ბიჭიკო (მ. ბარათაშვილის "მარინე"), ჯემალა (ვ. კანდელაკის "მაია წყნეთელი"), ილიკო (ნ. დუმბაძის "მე, ბებია, ილიკო და ილარიონი"), ჟევაკინი (ნ. გოგოლის "ქორწინება"), პასტორი (ედუარდო დე ფილიპოს "კომედიის ხელოვნება") და სხვ; აღსანიშნავია მისი მოღვაწეობა ქართულ ესტრადაზეც. გადაღებულია ფილმებში: "დაგვიანებული სასიძო" (1939), "ქალიშვილი ხიდობნიდან" (1940), "გაზაფხული საკენში" (აგრონომი, 1950), "ისინი ჩამოვიდნენ მთიდან" (სატვირთოს მძღოლი, 1954), "ჩრდილი გზაზე" (შაქრო, 1956), "ოთარაანთ ქვრივი" (1957), "მაია წყნეთელი" (ჯემალა, 1959), "უდიპლომო სასიძო" (ნიკოლოზი, 1961), "პიერი მილიციის თანამშრომელი" (დარაჯი, 1965), "რაც გინახავს, ვეღარ ნახავ" (თავადი ავთანდილი, 1965), "განგაში" (დურმიშხანი, 1968), "ღიმილის ბიჭები" (პარმენი, მასწავლებელი, 1969), "ჩარი რამა" (აბესალომი, 1972), "თვალი პატიოსანი" (1976), "ყვარყვარე" (1978) და სხვ.

წყარო: ქართული საბჭოთა ენციკლოპედია: ტ.7.-თბ.,1984.-გვ.440; კარგ ქართველთა საფლავები: geonecropol.ge; ეროვნული ფილმოგრაფიის პორტალი: geocinema.ge

• საქართველოს კინემატოგრაფისტთა შემოქმედებითი კავშირი, წევრი

• 1967 - საქართველოს სახალხო არტისტი
• 1958 - საქართველოს დამსახურებული არტისტი