გიორგი ჟორდანია

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1989 წელს(საგუნდო–სადირიჟორო).

სტაჟირება გაიარა ქ. ლენინგრადის კონსერვატორიაში, პედაგოგი ი. მუსინი; სამაგისტრო კურსი გაიარა აშშ–ს ტენესის შტატის ქ. ჩატანუგას უნივერსიტეტში, პედაგოგი დ. ჰოფეკერი(დირიჟორობა), პარალელურად მუშაობდა ქ. ჩატანუგას "ოპერისა და სიმფონიური ასოციაციის" მთავარი დირიჟორის ასისტენტად; 1999–2003წწ. იყო საქართველოს სახელმწიფო კამერული ორკესტრის მთავარი დირიჟორი; 2000 წელს დააარსა(ლ. ისაკაძესთან ერთად) "ბორჯომის კამერული მუსიკის ფესტივალი" და იყო მთავარი დირიჟორი; 2008 წელს დააარსა "თბილისის აღმოსავლური ხელოვნების ფესტივალი", იყო სამხატვრო ხელმძღვანელი და გენერალური მენეჯერი; პარალელურად, 1992 წელს ხარკოვის ფილარმონიის ორკესტრის მოწვეული დირიჟორი; 2013–2014წწ. ზ. ფალიაშვილის სახელობის თბილისის ოპერისა და ბალეტის თეატრის გენერალური დირექტორი და სამხატვრო ხელმძღვანელი; ქ. ხარკოვის სახელმწიფო კონსერვატორიის საპატიო პროფესორი(1999); საერთაშორისო კონკურსების ჟიურის წევრი(2002 უკრაინა, 2006 აშშ); ქართული რეპერტუარი: ბ. კვერნაძე "მედეა"; სხვა რეპერტუარი: დასავლეთ ევროპის და რუსული საოპერო, სიმფონიური მუსიკა, მათ შორის: ვერდი "აიდა", "რიგოლეტო", "ტრავიატა", პუჩინი "ტოსკა", "ბოჰემა", "ჩიო–ჩიო–სანი", როსინი "სევილიელი დალაქი", "კონკია", ბეთჰოვენის, ჩაიკოვსკის სიმფონიები; გასტროლები: ისრაელი, ნიდერლანდები, ბელგია, შვეიცარია, იტალია, ესპანეთი, საფრანგეთი, აშშ, სამხრეთ აფრიკა, სამხრეთ კორეა, რუმინეთი, ლ. ისაკაძესთან ერთად ტურნე "პილიგრიმობა ევროპიდან იერუსალიმში"(2000); დირიჟორ ვ. ჟორდანიას ვაჟიშვილი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 395

• 2001 - საქართველოს სახელმწიფო პრემია
• 2001 - მილენიუმის დირიჟორთა პირველი საერთაშორისო კონკურსი, გრან-პრი (ხარკოვი)