ვახტანგ ჟორდანია

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1965 წელს (საფორტეპიანო), ლენინგრადის კონსერვატორია 1970 (სადირიჟორო).

1970-1973წწ. იყო ლენინგრადის ფილარმონიის სიმფონიური ორკესტრის დირიჟორი, ე. მრავინსკის ასისტენტი; 1973-1974წწ. ლენინგრადის რადიო-ტელევიზიის ორკესტრის მთავარი დირიჟორი; 1974-1977წწ. ქ. სარატოვის ფილარმონიის სიმფონიური ორკესტრის მთავარი დირიჟორი, სარატოვის კონსერვატორიის პედაგოგი, დოცენტი; 1977-1983წწ. ქ. ხარკოვის ფილარმონიის სიმფონიური ორკესტრის მთავარი დირიჟორი, ხარკოვის ხელოვნების ინსტიტუტის პროფესორი; 1995 წლიდან ხელმძღვანელობდა რუსულ ფედერალურ სიმფონიურ ორკესტრს; 2001 წელს ქ. ხარკოვში დააარსა დირიჟორთა საერთაშორისო კონკურსი "ვახტანგ ჟორდანია - მესამე ათასწლეული"; 1983 წლიდან გარდაცვალებამდე მოღვაწეობდა აშშ-ში, 1985-1992წწ. ქ. ჩატანუგას საოპერო და სიმფონიური ორკესტრის მთავარი დირიჟორი, 1989 წლიდან ქ. ტენესის უნივერსიტეტის მაგისტრი, 1991-1993წწ. ქ. სპოკანის ორკესტრის დირიჟორი; სამხრეთ კორეის რადიოს სიმფონიური ორკესტრის მიწვეული დირიჟორი, 2002 წლიდან სამხრეთ კორეის ქ. ტეგუს სიმფონიური ორკესტრის სამხატვრო ხელმძღვანელი და მთავარი დირიჟორი; რეპერტუარი: ბრამსი სიმფონია N4, მისივე სავიოლინო კონცერტი, დვორჟაკი სიმფონია N9 "ახალი სამყაროდან", ჩაიკოვსკის, ბეთჰოვენის სიმფონიები და მრავალი სხვა ნაწარმოები; გასტროლები: აშშ, ინგლისი, სამხრეთ აფრიკა, სამხრეთ კორეა, უნგრეთი. ჰერბერტ ფონ-კარაიანის სახელობის "ახალგაზრდა დირიჟორთა" საერთაშორისო კონკურსის I პრემიის ლაურეატი (1971), უკრაინის ხელოვნების დამსახურებული მოღვაწე, უკრაინის სახალხო არტისტი (1983). დირიჟორ გიორგი ჟორდანიას მამა; პიანისტი. გარდაიცვალა აშშ, დაკრძალულია ფერფლი, ცნობილი მოღვაწეების, პაპისა და მამის, თედო და გივი ჟორდანიების გვერდით.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 395