ნათელა ვასაძე

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1954 წელს.

1950 წლიდან დაკავებული იყო კომკავშირული საქმიანობით. სხვადასხვა დროს მუშაობდა საქართველოს ალკკ თბილისის ორჯონიკიძის რაიკომის პირველ მდივნად (1952-1954), საქართველოს ალკკ ცკ-ის მეორე მდივნად (1960-1962). 1962 წლიდან პარტიულ სამუშაოებზე იყო საქართველოს კომპარტიის ცკ-ის აპარატში (1962-1969), საიდანაც გადაიყვანეს საქართველოს პროფსაბჭოს მდივნად (1962-1972). 1972-1985 წლებში იყო თბილისის ა. პუშკინის სახელობის სახელმწიფო პედაგოგიური ინსტიტუტის რექტორი. 1986-1988 წლებში იყო საქართველოს განათლების მინისტრი. ნათელა ვასაძე იკვლევდა პედაგოგიკის თეორიასა და ქართული პედაგოგიური აზროვნების ისტორიის საკითხებს. იყო "საქართველოს პედაგოგიური აზრის ანთოლოგიის (1987; მოსკოვი; რუსულ ენაზე) სარედაქციო კოლეგიის წევრი და რედაქტორი, აგრეთვე "პედაგოგიკის ისტორიის" სახელმძღვანელოს(თბ. 1988) რედაქტორი და თანაავტორი. მიღებული აქვს სახელმწიფო ჯილდოები. ბიოლოგიურ მეცნიერებათა დოქტორის ირინე დანელიას დედა. პედაგოგიურ მეცნიერებათა დოქტორი (1977), პროფესორი (1979).

წყარო: საქართველო: ენციკლოპედია: ტ.III.–თბ., 2014.-გვ.192; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.116

• რუსეთის განათლების აკადემია, ნამდვილი წევრი (1985-)
• საქართველოს პედაგოგიურ მეცნიერებათა საზოგადოებრივი აკადემია, პრეზიდენტი, ნამდვილი წევრი (1995-)
• საქართველოს პედაგოგიური საზოგადოება, თავმჯდომარე (1990-)

• 2024 - თბილისის საპატიო მოქალაქე
• 1998 - ღირსების ორდენი
  ახალგაზრდობის აღზრდის, განათლებისა და პედაგოგიური მეცნიერების განვითარების საქმეში შეტანილი პირადი დიდი წვლილისა და ნაყოფიერი საზოგადოებრივი მოღვაწეობისათვის
• 1986 - საქართველოს მეცნიერებათა დამსახურებული მოღვაწე

• პედაგოგიკა : სახელმძღვ. უმაღლ. სასწ. სტუდ.-თვის (ავტორი). - თბილისი, 2000. - 408გვ.
• იაკობ გოგებაშვილი და პედაგოგიური მეცნიერება საქართველოში : სამეცნ. სესია მიძღვნ. იაკობ გოგებაშვილის დაბადებიდან 160 წლისთავისადმი : მოხსენებათა თეზისები (შემდგენელი). - თბილისი, მერიდიანი, 2000. - 44გვ.
• უმაღლეს სკოლას - ღირსეული შევსება : სერია 8 (ავტორი). - თბილისი, საქ. სსრ საზ-ბა "ცოდნა", 1977. - 31გვ.
• სამხედრო ეთიკა : დამხმ. სახელმძღვ. (რედაქტორი). - თბილისი, სამშობლო. - 188გვ.