ალექსანდრე იმერეტინსკი

დაიბადების ადგილი: ქ. მოსკოვი.

დაამთავრა პეტერბურგის პაჟთა კორპუსი 1855 წელს.

1857 წელს მსახურობდა მე-14 ქართველ გრენადერთა პოლკში. მონაწილობდა ჩეჩნეთისა  და დაღესტნის დამორჩილებაში. 1859 წელს თადარიგში გავიდა. 1861 წლიდან კვლავ სამხედრო სამსახურში იყო. 1861 წელს დაამთავრა გენშტაბის აკადემია. მონაწილეობდა პოლონეთის აჯანყების (1863-1864) ჩახშობაში, შემდეგ დაინიშნა ვარშავის სამხედრო ოლქის ჯარების შტაბის უფროსად. მონაწილეობდა რუსეთ-ოსმალეთის ომში (1877-1878 წწ). 1878 წელს დაინიშნა მე-2 ქვეითი დივიზიის მეთაურად, ხოლო  1879 წელს  გვარდიული ნაწილებისა და პეტერბურგის სამხედრო ოლქის ჯარების უფროსად. 1878-1890 წლებში იყო რუსეთის არმიის მთავარი სამხედრო პროკურორი და მთავარი სამხედრო სასამართლოს უფროსი; 1892 წლიდან - სახელმწიფო საბჭოს წევრი; 1897 წლიდან გარდაცვალებამდე ვარშავის სამხედრო ოლქის ჯარების სარდალი და ვარშავის გენერალ-გუბერნატორი. რუსეთის არმიის ინფანტერიის გენერალი, იმერეთის მეფეთა შთამომავალი. 

წყარო: ქართული საბჭოთა ენციკლოპედია: ტ. 5.- თბ., 1980.- გვ. 115; საქართველო: ენციკლოპედია: ტ. IV. -თბ., 2018. -გვ.249

• 1877 - გენერალ-ლეიტენანტი
• 1869 - გენერალ-მაიორი