ალექსი მიმინოშვილი

დაბადების ადგილი: ქ. სოხუმი.

დაამთავრა თბილისის საინჟინრო-სამშენებლო ინსტიტუტი არქიტექტურის სპეციალობით 1933 წელს.

ძირითადი ნამუშევრები: საცხოვრებელი სახლები სოხუმში, ე. ნინოშვილის ქუჩაზე; თბილისში - ნ. ნიკოლაძისა (1949; სსრლ სახელმწიფო პრემია, 1950) და ზ. ფალიაშვილის (1950-იანი წლები) ქუჩებზე, ბარნოვის ქუჩაზე (შემდეგ - არქიტექტორთა კავშირის სახლი, ამჟამად - ჩინეთის საელჩოს შენობა), "საქკვებმრეწვსახპროექტის" საწარმოო შენობა (1972), კონიაკის ქარხნის მთავარი კორპუსი (1960-იანი წლები); სასტუმრო წინანდალში, სადეგუსტაციო დარბაზი და მარანი დიღომში, კვების მრეწველობის რამდენიმე მნიშვნელოვანი საწარმო  და სხვა. იგი შემოქმედებითად იყენებდა კლასიკური და ეროვნული ხუროთმოძღვრების ფორმებს, ამასთან თამამად და გაბედულად აქსოვდა შიგ საკუთარ ორიგინალურ ჩანაფიქრს. მიღებული აქვს სახელმწიფო ჯილდოები.

წყარო:თბილისი: ენციკლოპედია.- თბ., 2002. - გვ.677

• 1961 - საქართველოს ხელოვნების დამსახურებული მოღვაწე
• 1950 - სსრკ სახელმწიფო პრემია