გიორგი ფრანძესი

ბიზანტიელი სახელმწიფო მოღვაწე და ისტორიკოსი. 1449 წელს დესპანად იყო ქართლსა და ტრაპიზონში იმპერატორ კონსტანტინე XI-თვის (1449–1453) საცოლის შესარჩევად. 1451 წლიდან დიდი ლოგოთეტია. მისი საისტორიო ნაშრომი, "მცირე ქრონიკა", აგვიწერს 1413–1477 წლების ამბებს. აქ მოთხრობილია აღნიშნული ელჩობის ამბავი. მასში მრავალი მნიშვნელოვანი ცნობაა გიორგი VIII-ის მეფობის დროინდელი (1446–1466) ქართლის საშინაო ვითარების, ოსმალებსა და ტრაპიზონის იმპერიასთან ურთიერთობის შესახებ. მეორე ნაშრომი "ვრცელი ქრონიკა", რომელიც გიორგი ფრანძესის სახელით იყო ცნობილი, როგორც გაირკვა, მას არ ეკუთვნის.

წყარო: http://science.org.ge/encyclopedia/index.php/გიორგი_ფრანძესი