შოთა ვაშაკიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1972 წელს.

უნივერსიტეტის დამთავრების შემდეგ სწავლა განაგრძო ბირთვული კვლევების გაერთიანებულ ინსტიტუტში (დუბნა, რუსეთის ფედერაცია). 1975-1992 წლებში მუშაობდა თბილისის სახელმწიფო უნივერსიტეტის მაღალი ენერგიების ფიზიკის ინსტიტუტში, 1991-1992 წლებში თეორიული ფიზიკის კათედრაზე, 1985-1986 და 1988-1989 წლებში-მერილენდის უნივერსიტეტში (აშშ), 1989-1990 წლებში იყო ფრასკატის (იტალია) ბირთვული ფიზიკის ინსტიტუტის მიწვეული პროფესორი. 1993 წლიდან ატარებდა სამეცნიერო კვლევებს აშშ-ის წამყვან კვლევით ლაბორატორიებსა და უნივერსიტეტებში გამოყენებითი მათემატიკისა და ფიზიკის მიმართულებით. პარალელურად ეწეოდა საზოგადოებრივ საქმიანობას. შოთა ვაშაკიძემ ქართველ ლინგვისტებთან და პროგრამისტებთან ერთად შექმნა ინგლისურ-ქართული ინტერნეტ-ლექსიკონი, ჩაატარა განათლების, მეცნიერებისა და მედიცინის საერთაშორისო ფორუმი (თსუ, 2004). გამოქვეყნებული აქვს მრავალი სამეცნიერო შრომა. ფიზიკა-მათემატიკის მეცნიერებათა დოქტორი (1990).

წყარო: საქართველო: ენციკლოპედია: ტ.III.–თბ., 2014.-გვ.199

• ამერიკაში საქართველოს ასოციაციის დირექტორთა საბჭო , წევრი, განათლების გამგეობის დირექტორი,
• აშშ-ის ქართველთა სათვისტომოს საერთაშორისო ასოციაცია "კვალი" , დამაარსებელი, პრეზიდენტი
• საქართველოს ამერიკელი მეგობრების საკოორდინაციო საბჭო, წევრი

• 2003 - ღირსების ორდენი