ნადეჟდა როსჩეპკინა

დაბადების ადგილი: ქ. მოსკოვი.

დაამთავრა ქ. მოსკოვის ქორეოგრაფიული სასწავლებელი 1932 წელს.

1932-1963წწ. იყო ზ. ფალიაშვილის სახელობის თბილისის ოპერისა და ბალეტის თეატრის საბალეტო დასის სოლისტი, პარალელურად მოღვაწეობდა თბილისის ქორეოგრაფიულ სასწავლებელსა და თეატრალურ ინსტიტუტში; 1963-1968წწ. მუშაობდა კუბაზე, ქ. ჰავანის ნაციონალური თეატრის ქორეოგრაფ-კონსულტანტად; 1971-1974წწ. იმყოფებოდა ალჟირში; მისი თაოსნობით ჩამოყალიბდა ალჟირის ნაციონალური თეატრი; ქართული რეპერტუარი: გრ. კილაძე "სინათლე", დ. თორაძე "გორდა", "მშვიდობისათვის"; ცეკვები საოპერო სპექტაკლებში: ზ. ფალიაშვილი "აბესალომ და ეთერი", "დაისი", მ. ბალანჩივაძე "დარეჯან-ცბიერი", დ. არაყიშვილი "თქმულება შოთა რუსთაველზე", ვ. დოლიძე "ქეთო და კოტე", ი. ტუსკია "სამშობლო", მ. მ. იპოლიტოვ-ივანოვი "ღალატი"; სხვა რეპერტუარი: ჩაიკოვსკი "გედების ტბა", ასაფიევი "ბახჩისარაის შადრევანი", მინკუსი "დონ-კიხოტი"; ბალეტის მოცეკვავე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 405

• 1961 - საქართველოს დამსახურებული არტისტი