მარინა მიწიშვილი

მისი კვლევის საგანს შეადგენდა შუა საუკუნეების მოჭიქული კერამიკა და მეთუნეობის განვითარების ისტორია. მონოგრაფიულად შეისწავლა თბილისის სამხრეთ-აღმოსავლეთ საზღვართან - "განჯისკართან" განლაგებული კერამიკული საწარმოს არქეოლოგიური გათხრების შედეგად მოპოვებული კერამიკული მასალა და მოგვცა მისი კლასიფიკაცია. ნუმიზმატიკურ მასალასთან შეჯერების შედეგად დაადგინა სახელოსნოს არსებობის ქრონოლოგიური საზღვრები IX საუკუნიდან მონღოლთა შემოსევამდე (XIII ს. I ნახ.). კვლევის საფუძველზე გამოთქვა მოსაზრება, რომ თბილისის სამხრეთ გალავნიდან ხელოსანთა და ვაჭართა უბანი (რაბათი) იყო. თბილისს ეძღვნება მისი ნაშრომები: თბილისური კერამიკა ("საბჭოთა საქართველო", 1965, N9); თბილისის დედაქალაქზე აღმოჩენილი მოჭიქული კერამიკა (კრ. ფეოდალური საქართველოს არქეოლოგიური ძეგლები ტ. 2, თბ., 1974.). თბილისის ფეოდალური ხანის არქეოლოგიური ძეგლების მკვლევარი, არქეოლოგი, ისტორიის მეცნიერებათა დოქტორი (1998).

წყარო:თბილისი: ენციკლოპედია.- თბ., 2002. - გვ.682

• მოჭიქული კერამიკის საწარმო შუა საუკუნეების თბილისში, IX-XIII ს.ს. (ავტორი). - თბილისი, მეცნიერება, 1979. - 77გვ.
• ქართული მოჭიქული ჭურჭლის წარმოების ისტორიიდან(XI-XVIIIსს). (ავტორი). - თბილისი, განათლება, 1976. - 63გვ.
• მოჭიქული ჭურჭელი ძველ საქართველოში : IX-XIII ს.ს. (ავტორი). - თბილისი, ხელოვნება, 1969. - 99გვ.