თამაზ ვაშაყმაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1959 წელს.

1959-1968 წლებში მუშაობდა თბილისის ანდრია რაზმაძის სახელობის მათემატიკის ინსტიტუტში. 1968 წლიდან არის თბილისის სახელმწიფო უნივერსიტეტის პროფესორ-ემერიტუსი. 1999 წელს მიწვეული იყო დელავერის უნივერსიტეტში(აშშ) მკვლევარ-პროფესორად. მისი კვლევის ძირითადი მიმართულებებია გამოთვლითი მათემატიკა, მაღალი სიზუსტის რიცხვითი გამოთვლების მეთოდები, არითმეტიკულ ოპერაციათა მინიმიზაციის კრებადი და მდგრადი სქემები, უწყვეტი გარემოს მექანიკის მათემატიკური მეთოდები. თამაზ ვაშაყმაძის მიერ შემოთავაზებულია უწყვეტი გარემოს ნებისმიერი ფორმის აღწერის უნივერსალური პრინციპი, რომლის ზოგიერთი შედეგიც დადასტურებულია ექსპერიმენტულად. გამოქვეყნებული აქვს ოთხი მონოგრაფია, მათ შორის ერთი-შპრინგერის საერთაშორისო გამომცემლობაში. ფიზიკა-მათემატიკის მეცნიერებათა დოქტორი (1987), პროფესორი (1995).

წყარო: საქართველო: ენციკლოპედია: ტ.III.–თბ., 2014.-გვ.199

• საქართველოს საინჟინრო აკადემია, ნამდვილი წევრი (2005-)

• 2013 - ბრწყინვალების საპრეზიდენტო ორდენი
• 2009 - ივანე ჯავახიშვილის სახელობის მედალი
• 2003 - ღირსების ორდენი
• 1997 - ივანე ჯავახიშვილის სახელობის მედალი
• 1993 - ილია ვეკუას სახელობის პრემია

• საქართველოს მექანიკოსთა კავშირის IV ყოველწლიური კონფერენცია = IV Annual meeting of the Georgian Mechanical Union : მოხსენებათა თეზისები, 8.11.2103 - 10.11.2013, ქუთაისი;ტექსტი ინგლ. და ქართ. (ავტორი). - ქუთაისი, თბილ. უნ-ტის გამ-ბა., 2013. - 127გვ.
• რიცხვითი ანალიზი : ლექციათა კურსი (ავტორი) // წ. 1. - თბილისი, თბილ. უნ-ტის გამ-ბა, 2009. - 188გვ.
• მოგონებები და წერილები ანდრია რაზმაძეზე (რედაქტორი). - თბილისი, თბილ. უნ-ტის გამ-ბა, 1993. - 128გვ.