ივანე ვაშაყმაძე

დაბადების ადგილი: სოფელი ახალსაყდარი, ყოფილი ოზურგეთის მაზრა.

მონაწილეობდა გურიის გლეხობის შეიარაღებულ გამოსვლებში. ასრულებდა საკავშირო კპ(ბ) ამიერკავკასიის სამხარეო კომიტეტის სპეციალურ დავალებებს. საქართველოში საბჭოთა ხელისუფლების დამყარების შემდეგ(1921) იყო დუშეთისა და ახალსენაკის  კომკავშირის სამაზრო კომიტეტის მდივანი. 1923 წელს საქართველოს კპ. ცკ-მა ივანე ვაშაკიძე სასწავლებლად გააგზავნა მოსკოვში. 1926 წელს დაამთავრა მოსკოვის სახელმმწიფო უნივერსიტეტი, კომუნისტური აკადემიის ფილოსოფიის ინსტიტუტის ასპირანტურა, რის შემდეგ იქვე დაიწყო მუშაობა მეცნიერ-თანამშრომლად და ისტორიული მატერიალიზმის სექციის სწავლულ მდივნად. უმაღლეს სასწავლებლებში კითხულობდა დიალექტიკური და ისტორიული მატერიალიზმის კურსს. 1930 წელს დანიშნეს საქართველოს სახელმწიფო პედაგოგიური ინსტიტუტის დირექტორად და აირჩიეს დიალექტიკური მატერიალიზმის კათედრის პროფესორად. სხვადასხვა დროს მუშაობდა საქართველოს სსრ განათლების სახელმწიფო კომისრის მოადგილედ, ამიერკავკასიის ინდუსტრიული ინსტიტუტის დირექტორად. 1934 წელს აირჩიეს სსრკ მეცნიერებათა აკადემიის საქართველოს ფილიალის პრეზიდიუმის წევრად. იკვლევდა დიალექტიკური და ისტორიული მატერიალიზმის საკითხებს. არის პოლიტიკური რეპრესიების მსხვერპლი. ფილოსოფიის მეცნიერებათა დოქტორი, პროფესორი.

წყარო: საქართველო: ენციკლოპედია: ტ.III.–თბ., 2014.-გვ.200

• სსრკ მეცნიერებათა აკადემიის საქართველოს ფილიალი , პრეზიდიუმის წევრი (1934-)

• მარქსი, როგორც ფილოსოფოსი (ავტორი). - ტფილისი, სახელგამის პარტგანყ. გა-მა, 1933. - 141გვ.