შალვა ლოგუა

დაბადების ადგილი: ქ. თბილისი.

დაამთავრა ამიერკავკასიის ენერგეტიკის ინსტიტუტი 1932 წელს.

 1929-1932 წწ. მუშაობდა საამქროს უფროსად სტალინის სახელობის თბილისის ორთქმავალ-ვაგონშემკეთებელ ქარხანაში, 1932-1941 წწ. ამიერკავკასიის რკინიგზის სამმართველოში მოძრავი შედგენილობის ჯგუფის უფროსად, შემდეგ კი ელექტრიფიკაციის სამსახურის უფროსად. 1943-1950 წწ. და 1950-1953 წწ. იყო შაორის ჰიდროელექტროსადგურის მშენებლობის უფროსი, ხოლო 1953 წლიდან მოსკოვში სსრკ სატრანსპორტო მშენებლობის სამინისტროს რკინიგზების ელექტრიფიკაციის სამონტაჟო ტრესტ "ტრანსელექტრომონტაჟის" მმართველი. რკინიგზების ელექტრიფიკაციის სპეციალისტი. მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ. 6.-თბ., 1983.-გვ.277

• სკკპ , წევრი (1942-)

• 1962 - სოციალისტური შრომის გმირი
• ლენინის ორდენი